ۇلكەن الماتى اينالما اۆتوموبيل جولىنىڭ تولەماقىسى بەكىتىلدى
قۇجاتتا «ۇلكەن الماتى اينالما اۆتوموبيل جولى» ۋچاسكەسى اقىلى نەگىزدە پايدالانىلاتىنى بەكىتىلدى.
الماتى قالاسى مەن الماتى وبلىسى ارقىلى بالامالى جولدار بويىنشا ءجۇرىپ وتۋگە بولادى.
اقىلى جولدىڭ باستاپقى پۋنكتى - الماتى - ۇزىناعاش اۆتوموبيل جولىنىڭ 22+640 ك م، اقىلى جولدىڭ سوڭعى پۋنكتى - الماتى - تالعار اۆتوموبيل جولىنىڭ 22+000 ك م.
ۇلكەن الماتى اينالما جولىمەن قانشا جول جۇرگەنىنە قاراماستان، 1 ساعات ىشىندەگى تولەم قۇنى:
جەڭىل اۆتوموبيلدەر - 241,5 تەڭگە؛
16-عا دەيىنگى جولاۋشىعا ارنالعان اۆتوبۋستار مەن جۇك كوتەرىمدىلىگى 2,5 تونناعا دەيىنگى جۇك كولىكتەرى - 276 تەڭگە؛
32-گە دەيىنگى جولاۋشىعا ارنالعان اۆتوبۋستار جانە جۇك كوتەرىمدىلىگى 5,5 تونناعا دەيىنگى جۇك كولىكتەرى - 483 تەڭگە؛
32 جانە ودان دا كوپ جولاۋشىعا ارنالعان اۆتوبۋستار جانە جۇك كوتەرىمدىلىگى 10 تونناعا دەيىنگى جۇك كولىكتەرى - 552 تەڭگە؛
جۇك كوتەرىمدىلىگى 10-نان 15 تونناعا دەيىنگى جۇك كولىكتەرى - 690 تەڭگە؛
جۇك كوتەرىمدىلىگى 15 توننا جانە ودان دا كوپ، ونىڭ ىشىندە تىركەمەلەرى بار جۇك كولىكتەرى، ەرشىكتى تارتقىشتار - 759 تەڭگە.
ابونەمەنت قۇنى:
جەڭىل اۆتوموبيلدەر: ءبىر ايعا - 1725 تەڭگە، ءبىر جىلعا - 17250 تەڭگە؛
16 ورىندىق اۆتوبۋستار مەن جۇك كوتەرگىشتىگى 2,5 تونناعا دەيىنگى جۇك كولىكتەرى: ءبىر ايعا - 2070 تەڭگە، ءبىر جىلعا - 20700 تەڭگە؛
32 ورىندىق اۆتوبۋستار مەن جۇك كوتەرگىشتىگى 5,5 تونناعا دەيىنگى جۇك كولىكتەرى: ءبىر ايعا - 3450 تەڭگە، ءبىر جىلعا - 34500 تەڭگە.
32 ورىننان اساتىن اۆتوبۋستار جانە جۇك كوتەرگىشتىگى 10 تونناعا دەيىنگى جۇك اۆتوموبيلدەرى: ءبىر ايعا - 5175 تەڭگە، ءبىر جىلعا - 51750 تەڭگە.
جۇك كوتەرگىشتىگى 10 توننادان جوعارى 15 تونناعا دەيىنگى جۇك اۆتوموبيلدەرى: ءبىر ايعا - 6900 تەڭگە، ءبىر جىلعا - 69000 تەڭگە.
جۇك كوتەرگىشتىگى 15 توننادان اساتىن جۇك اۆتوموبيلدەرى، ونىڭ ىشىندە تىركەمەلەرى بار ەرشىكتى تارتقىشتار: ءبىر ايعا - 8625 تەڭگە، ءبىر جىلعا - 86250 تەڭگە.
بۇيرىق 2023 -جىلدىڭ 21 -شىلدەسىندە كۇشىنە ەنەدى.
ايتا كەتەيىك، 16 -ماۋسىم كۇنى قازاقستانداعى ءىرى جول- كولىك ينفراقۇرىلىمدارىنىڭ ءبىرى - ۇلكەن الماتى اينالما جولى پايدالانۋعا بەرىلگەن ەدى.
