باتىس قازاقستاندا تەرىسءدىني اعىم وكىلدەرىنەن قۇرالعان قىلمىستىق توپ مۇشەلەرى ۇستالدى
باسپاءسوز قىزمەتىنىڭ مالىمەتتەرىنە قاراعاندا، 2023 -جىلعى 4 -شىلدەدە ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسە وتىرىپ، باتىس قازاقستان وبلىسى پوروكۋراتۋراسىنىڭ ۇيلەستىرۋىمەن الماتى، ورال جانە اقساي قالالارىندا ەكى قىلمىستىق توپتىڭ ءىس- ارەكەتىنىڭ جولىن كەسۋ بويىنشا ءبىر مەزگىلدە ارنايى وپەراتسيا جۇرگىزدى.
ونىڭ بارىسىندا ۇيىمداسقان قىلمىستىق توپتىڭ 20 مۇشەسى ۇستالدى. ولارعا كىسى بوپسالادى، بۇزاقىلىق جاسادى جانە تونادى دەگەن كۇدىك كەلتىرىلىپ وتىر.
ءتىنتۋ شارالارى كەزىندە ولاردان اتىس جانە سۋىق قارۋلار، سونداي- اق ەسىرتكى زاتتارى تاركىلەندى.
الدىن الا مالىمەتتەر بويىنشا، كۇدىكتىلەردىڭ جەكە باس پايداسى ءۇشىن بەيبىت تۇرعىنداردى قورقىتقاندارى بەلگىلى بولدى. ءوز كەزەگىندە جاپا شەككەندەر فيزيكالىق زورلىق- زومبىلىقتان قاۋىپتەنىپ، ىشكى ىستەر ورگاندارىنا حابار بەرمەگەن.
اتالعان توپتار بۇرىن سوتتالعاندار جانە دەسترۋكتيۆتى ءدىني اعىم وكىلدەرىنەن قۇرالعان.
قىلمىستىق توپ مۇشەلەرى ءبىر بىرىمەن تەكەتىرەستە بولعاندارى جانە بەلگىلى ءبىر ايماقتاردا ءوز امىرلەرىن جۇرگىزۋ ءۇشىن قارۋ قولدانا وتىرىپ قاقتىعىستارعا بارعاندارى بەلگىلى بولدى.
«ىسكە اسىرىلعان شارالار وڭىردەگى قىلمىستىق احۋالدىڭ جاقسارۋىنا ىقپال ەتەدى دەپ كۇتىلۋدە. سوتقا دەيىنگى تەرگەۋ جالعاسۋدا»، - دەلىنگەن ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتى تاراتقان اقپاراتتا.
