كونستيتۋتسيالىق سوت زاڭسىز يەمدەنگەن اكتيۆتەردى مەملەكەتكە قايتارۋ تۋرالى زاڭدى كونستيتۋتسياعا سايكەس دەپ تانىدى
كونستيتۋتسيالىق سوت شەشىمىنەن ۇزىندىلەر:
«زاڭنىڭ اكتيۆتەردى مەملەكەت كىرىسىنە ماجبۇرلەپ اينالدىرۋ ماسەلەلەرىن رەتتەيتىن ەرەجەلەرى كونستيتۋتسيالىق تالاپتارعا قايشى كەلمەيدى (26-28-باپتار). مۇنداي شەشىمدى سوت ازاماتتىق سوت ءىسىن جۇرگىزۋ قاعيداتتارىن ساقتاي وتىرىپ، پروكۋروردىڭ تالاپ- ارىزى بويىنشا قابىلدايدى».
***
«پارلامەنت دەپۋتاتتارى باستاماشىلىق جاساعان زاڭ قازاقستان قوسىلعان، ونىڭ ىشىندە سىبايلاس جەمقورلىققا قارسى ءىس- قيمىل جانە ۇيىمداسقان قىلمىسقا قارسى كۇرەس ماسەلەلەرىنە بايلانىستى حالىقارالىق قۇقىقتىق اكتىلەردىڭ ەرەجەلەرى ەسكەرىلە وتىرىپ ازىرلەندى.
كونستيتۋتسيالىق سوت قازاقستان راتيفيكاتسيالاعان بىرىككەن ۇلتتار ۇيىمىنىڭ سىبايلاس جەمقورلىققا قارسى كونۆەنتسياسىنىڭ كىرىسپەسىنە نازار اۋدارادى. وعان سايكەس سىبايلاس جەمقورلىق جانە قىلمىستىڭ باسقا دا تۇرلەرى، اتاپ ايتقاندا، اقشا قاراجاتتارىنىڭ جىلىستاتىلۋىن قوسا العاندا، ۇيىمداسقان قىلمىس پەن ەكونوميكالىق قىلمىس اراسىنداعى بايلانىستارعا، مەملەكەت رەسۋرستارىنىڭ ەلەۋلى ۇلەسىن قۇراۋى جانە وسى مەملەكەتتەردىڭ ساياسي تۇراقتىلىعى مەن تۇراقتى دامۋىنا قاتەر ءتوندىرۋى مۇمكىن. بۇل رەتتە سىبايلاس جەمقورلىق جەرگىلىكتى پروبلەما بولۋدان قالىپ، قوعامدى جانە بارلىق ەلدەردىڭ ەكونوميكاسىن قامتيتىن ۇلت شەگىنەن تىسقارى قۇبىلىسقا اينالىپ وتىر».
***
«زاڭنىڭ ماقساتتارى اكتيۆتەردى قايتارۋ جانە (نەمەسە) ولاردى قازاقستان رەسپۋبليكاسىنىڭ زاڭدى ەكونوميكالىق اينالىمىنا تارتۋ، ولاردى زاڭسىز يەمدەنۋگە جانە شىعارۋعا ىقپال ەتكەن سەبەپتەر مەن جاعدايلاردى جويۋ، سونداي- اق قوعامدا الەۋمەتتىك ادىلدىكتى قالپىنا كەلتىرۋ بولىپ تابىلادى (5-باپتىڭ 1-تارماعى). بۇلار كونستيتۋتسيانىڭ 1, 6 جانە 26-باپتارىنىڭ ەرەجەلەرىنە سايكەس كەلەدى».
***
«كونستيتۋتسيالىق سوت قارالىپ وتىرعان زاڭدى قابىلداي وتىرىپ، مەملەكەت ەلدىڭ تۇراقتى ەكونوميكالىق جانە الەۋمەتتىك دامۋى ءۇشىن قازاقستان حالقىنىڭ بۇزىلعان قۇقىقتارىن قالپىنا كەلتىرۋ جۇيەسىن ايقىندايدى دەپ ەسەپتەيدى. زاڭسىز يەمدەنىلگەن اكتيۆتەردى مەملەكەتكە قايتارۋ كونستيتۋتسيالىق ماڭىزدى ماقساتتارعا سايكەس كەلەدى، كونستيتۋتسيالىق نەگىزدەلگەن ادىلدىك، اقىلعا قونىمدىلىق پەن مولشەرلەستىك قاعيداتتارى مۇلتىكسىز ساقتالا وتىرىپ، جەكە، قوعامدىق جانە مەملەكەتتىك مۇددەلەردىڭ تەڭگەرىمىن ۇستاپ تۇرۋعا باعىتتالعان. مەنشىك قۇقىعىنا قاتىستى ماسەلەلەردى تيىسىنشە جۇيەلى باقىلاۋ جانە رەتتەۋ بولعان كەزدە، بۇكىل حالىقتىڭ مۇددەسى ءۇشىن ەكونوميكا دامىعان كەزدە مەملەكەتتىڭ ازاماتتار مەن قوعام الدىنداعى ءوزىنىڭ الەۋمەتتىك- ەكونوميكالىق، ەكولوگيالىق، ساياسي جانە قۇقىقتىق مىندەتتەمەلەرىن ىسكە اسىرۋىنا، كونستيتۋتسيادا تالاپ ەتىلەتىن ۇلتتىق قاۋىپسىزدىكتىڭ ءتيىستى دەڭگەيىن قامتاماسىز ەتۋگە قارجىلىق جانە باسقا دا مۇمكىندىكتەرى كوپ بولادى».
