سەرىك كۇدەبايەۆتىڭ شەكارانى زاڭسىز كەسكەنىنە قاتىستى ءىس تالدىقورعاندا قارالمايدى
بۇل جونىندە جەتىسۋ وبلىسىنىڭ پروكۋرورى ماديار باسشىبايەۆ مالىمدەدى.
«بۇل وقيعا جەتىسۋ وبلىسىندا ەمەس، باسقا وڭىردە بولدى. سوندىقتان ءىس سول جاقتا قارالىپ جاتىر. تولىققاندى اقپارات الۋ ءۇشىن سول وبلىستىڭ پروكۋراتۋراسىنا حابارلاسىڭىزدار»، - دەدى ماديار باسشىبايەۆ.
ءبىراق پروكۋرور سەرىك كۇدەبايەۆ ىسىنە قاتىستى سوت وتىرىسى قاي وبلىستا وتەتىنىن ايتپادى.
ەستەرىڭىزگە سالا كەتەيىك، سەرىك كۇدەبايەۆ 28 -ءساۋىر كۇنى 10 جىلعا سوتتالعان بولاتىن.
وعان لاۋازىمدىق وكىلەتتىگىن اسىرا پايدالانۋ جانە ازاپتاۋ باپتارى بويىنشا ايىپ تاعىلدى.
ايتا كەتەيىك، ول بيىلعى 30 -ناۋرىز كۇنگى سوت وتىرىسىنا كەلمەدى. سوندىقتان ونى سوتقا ءماجبۇرلى تۇردە جەتكىزۋ جونىندە قاۋلى شىقتى.
ارتىنشا گەنەرالدىڭ ەلدەن قاشىپ كەتكەنى بەلگىلى بولىپ، تالدىقورعان قالالىق سوتى سەرىك كۇدەبايەۆقا حالىقارالىق ىزدەۋ جاريالادى.
27 -ساۋىردە سەرىك كۇدەبايەۆ تۇركيادا ۇستالىپ، ەلگە جەتكىزىلدى.
