تاراز نەيروحيرۋرگتەرى تالما دەرتىنە شالدىققان بالالاردى ەمدەپ جاتىر

اتالعان اۋرۋعا شالدىققان بالالارعا كۇردەلى وپەراتسيا جاساتۋ ءۇشىن وبلىس حالقى بۇعان دەيىن استاناعا جول تارتاتىن. ەندى اتا- انا بالاسىن وبلىس ورتالىعىندا ەمدەتە الادى.

ا ق ش- تان اكەلىنگەن قۇرىلعىنىڭ ارنايى سەنسورلارى ەپيلەپسيانىڭ اۋىر تۇرىنە شالدىققان جەتكىنشەكتەرگە ارنالعان. وپەراتسيا 40 مينۋتتان 1,5 ساعاتقا دەيىن جالعاسادى. كۇنىنە 20-دان استام تالماسى ۇستايتىن ناۋقاستىڭ تالما جيىلىگىن ازايتىپ، ۋاقىت وتە ايىعۋىنا اسەر ەتەدى.

«قۇرىلعىنىڭ ءوزىنىڭ سپيرال ءتارىزدى «زونتى» بولادى. سول جۇيكە جۇيەسى تامىرلارىنا بەكىتىلەدى. ءسويتىپ، تەرىنىڭ استىمەن ءوتىپ، ارى قاراي يمپۋلس گەنەراتورىنا جالعانادى دا، بۇعانانىڭ استىنا ورناتىلادى. ءوزىنىڭ باپتاۋى بار. سول باپتاۋ ارقىلى ءبىز جيىلىگىن رەتتەپ وتىرامىز. يمپۋلستىڭ ارقاسىندا تالمانىڭ جيىلىگى ازايادى»، - دەيدى قۇرىلعىنىڭ جۇمىس ىستەۋ ادىسىمەن تانىستىرعان جامبىل وبلىستىق كوپبەيىندى بالالار اۋرۋحاناسى نەيروحيرۋرگيا بولىمشەسىنىڭ مەڭگەرۋشىسى سايات جۇمابايەۆ.

ايتا كەتەيىك، بۇگىندە جامبىل وبلىسىندا ەپيلەپسيامەن اۋىراتىن 4 مىڭنان اسا بالا تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى