تەڭىز تۇبىنەن مۇناي قورى تابىلماعاندىقتان «جەڭىس» جوباسى جابىلادى - قازمۇنايگاز

ق م گ ستراتەگياسى مۇناي مەن گازدىڭ رەسۋرستىق بازاسىن كوبەيتۋگە باعىتتالعان، بۇل ءوز كەزەگىندە، كومىرسۋتەك قورىن مولايتۋ بويىنشا ۇزاقمەرزىمدى جوسپاردى ىسكە اسىرۋعا مۇمكىندىك بەرەدى.

وسى ماقساتتا گەولوگيالىق بارلاۋ جوبالارى جۇزەگە اسىرىلادى، سونداي- اق جۇمىس ىستەپ تۇرعان كەن ورىندارىندا قوسىمشا بارلاۋ جۇرگىزىلەدى.

گەولوگيالىق بارلاۋ سالاسىندا ناتيجەنى ءدوپ باسىپ ايتۋ قيىن.

بۇرعىلاۋ قورىتىندىسى بويىنشا كومىرسۋتەك قورىن بولجانعان كورسەتكىشتەن تومەن بولۋى ىقتيمال، كەيدە ءتىپتى ۇڭعىما بوس بولىپ شىعۋى مۇمكىن.

الەمدىك ستاتيستيكاعا سايكەس، بولجام دەڭگەيى % 20-30 قۇراسا، تابىسقا جەتۋ ابدەن مۇمكىن، بۇل تاۋەكەلگە بارىپ، ينۆەستيتسيا تارتۋعا نەگىز بولا الادى.

«جەڭىس» - گەولوگيالىق بارلاۋ باعىتىنداعى وففشورلىق مۇناي- گاز جوباسى.

وپەراتورى - «جەڭىس وپەرەيتينگ» ج ش س جانە «لۋكويل قازاقستان اپستريم» ج ش س، بۇل كومپانيالاردىڭ جوباعا قاتىسۋ ۇلەسى - 50/50.

جوباعا كىرىسپەس بۇرىن ونىڭ ناتيجەلى بولۋى % 20 دەڭگەيىندە باعالاندى.

گەولوگيالىق بارلاۋ جۇمىستارىن جۇرگىزۋ جانە ۋچاسكەنىڭ ءونىمدى بولۋىن ناقتىلاۋ ءۇشىن كەرري- قارجىلاندىرۋ تەتىگى بويىنشا سەرىكتەستىڭ («لۋكويل» كومپانياسىنىڭ) ينۆەستيتسياسى تارتىلدى.

كەرري- قارجىلاندىرۋ دەگەنىمىز - گەولوگيالىق بارلاۋ كەزەڭىندە جوباعا قاتىسۋشى سەرىكتەس ينۆەستيتسيانىڭ % 100- ىن سالىپ، الداعى ۋاقىتتا ءوندىرۋ ەسەبىنەن بۇل شىعىنىن قايتارادى.

ال گەولوگيالىق بارلاۋ كەزەڭى ءساتسىز اياقتالعان جاعدايدا جۇمسالعان شىعىن وتەلمەيدى.

«وكىنىشكە قاراي، «جەڭىس» قۇرىلىمىندا ىزدەۋ- بارلاۋ ۇڭعىماسىن بۇرعىلاۋ جۇمىسى ناتيجەسىن بەرمەدى، كومىرسۋتەك قورى تابىلمادى. گەولوگيالىق بولجام راستالمادى. دەگەنمەن، گەولوگيالىق بۇرعىلاۋ جۇمىسىنىڭ ناتيجەسىندە الداعى ۋاقىتتا ق م گ- نىڭ باسقا دا جوبالارىنا قاجەتتى جەر قويناۋىنىڭ قۇرىلىمى تۋرالى قوسىمشا اقپارات الىندى» دەپ مالىمدەدى قازمۇنايگاز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى