تەرميندەر جيناعى دايىندالىپ جاتىر
جوبالىق كەڭسەنىڭ باسشىسى س. قاسىموۆ ساياسي قۋعىن- سۇرگىن قۇرباندارىن اقتاۋ جۇمىستارى قارقىندى ءجۇرىپ جاتقانىن تىلگە تيەك ەتتى. سونىمەن بىرگە ساياسي- قۋعىن سۇرگىنگە قاتىستى تەرميندەر جيناعى دا دايىندالىپ جاتقانىن جەتكىزدى.
«ساياسي قۋعىن- سۇرگىن قۇرباندارىن اقتاۋ شارالارى ۇلتتىق جادىمىزدىڭ قايتا جاڭعىرۋىمەن بىرگە ازاماتتىق سانا- سەزىمدى بەكىتە تۇسەدى. ءبىزدىڭ ۇلتتىق بىرەگەيلىگىمىزدىڭ دە وزەگى وسى كەزەڭمەن تۇسپا تۇس كەلەدى»، - دەدى ينستيتۋت ديرەكتورى ن. پۇسىرمانوۆ.
بۇدان ءارى زەردەلەۋ ءىسى بويىنشا ىنتىماقتاستىق تەرەڭدەمەك.
ەسكە سالا كەتسەك، وسى جىلدىڭ 5- شىلدەسىندە استانانىڭ 25 جىلدىق مەرەيتويى قارساڭىندا مەملەكەت تاريحى ينستيتۋتى مەن استانا قالاسىنىڭ مەملەكەتتىك ءارحيۆى ءوزارا ىنتىماقتاستىق تۋرالى مەموراندۋمعا قول قويعان بولاتىن. مەموراندۋم اياسىندا «تاريح سىرى - ارحيۆ دەرەكتەرىندە» جوباسى ىسكە قوسىلدى.
