قاراشەگىرتكەدەن جاسالعان ماكارون يتالياداعى ءدامدى، ءبىراق وتە قىمبات تاعام سانالادى
ونى دايىنداۋ بارىسى وتە وڭاي: قاراشەگىرتكەلەردى اۋەلى قاتىرىپ، سۋعا ءپىسىرىپ، كەپتىرىپ، ودان كەيىن ۇنتاقتايدى.
اشىق قوڭىر ءتۇستى ۇن ماكارون، نان نەمەسە قۇيماق پىسىرۋگە، سونداي- اق ەنەرگەتيكالىق باتونچيكتەر، ءتىپتى سپورتشىلارعا جوعارى كالوريالى سۋسىندار جاساۋعا وتە ىڭعايلى.
قازىرگى كەزدە قاراشەگىرتكە، سونداي- اق قۇمىرسقالار مەن قۇرتتاردى جەۋ تاڭقالارلىق ەمەس. مىسالى، ازيادا ولار مىڭداعان جىلدار بويى تاعام رەتىندە تۇتىنىلىپ كەلەدى.
ەۋروپا ءۇشىن بولسا، بۇل جاندىكتەردى جەۋ - ءالى دە كۇماندى ەكزوتيكا. بۇل جاعداي ەۋروپالىق وداقتىڭ جاقىندا ادام تاعامىنا ارنالعان جاندىكتەردى ساتۋعا بەرگەن رۇقساتىن وزگەرتۋ- وزگەرتپەۋى ازىرگە بەلگىسىز.
ەلدەگى بيلىك وكىلدەرىنىڭ كەيبىرەۋلەرىنىڭ قارسىلىق تانىتقانىنا قاراماستان، بىرنەشە يتالياندىق ءوندىرۋشى ماكارون، پيتستسا جانە تىسكەباسار تاعامدارىن ءوندىرۋدى جەتىلدىرۋدە.
تۋرين ماڭىنداعى مەيرامحانا اسپازى سيمونە لوددو 1000 جىلعا جۋىق ماكارون پاستاسى رەتسەپتىن جاڭا ينگرەديەنتكە بەيىمدەپ العان.
ەندى ونىڭ قامىرىنىڭ % 15 قاراشەگىرتكە ۇنتاعىنان تۇرادى. ودان كۇشتى جاڭعاق ءيىسى شىعادى.
كەيبىر كەلۋشىلەر جاندىكتەردەن جاسالعان تالياتەللە تاعامىن جەپ كورۋدەن ءۇزىلدى- كەسىلدى باس تارتادى. ال باتىلدىق تانىتقاندار ونىڭ ەرەكشە دامىنە تاڭ قالدى.
قاراشەگىرتكە قامىرىنان جاسالعان ماكاروننان ءدام تاتۋعا ءبارىنىڭ بىردەي باتىلى بارمايدى، ال جەپ كورگەندەر تاعامدى وتە ءدامدى دەپ باعالادى.
سونىمەن قاتار، قاراشەگىرتكە ۇنتاعى — بۇل دارۋمەن، تالشىقتار، مينەرالدار جانە امين قىشقىلدارىنا باي سۋپەرءونىم. مىسالى، قاراشەگىرتكە ماكارونىنىڭ ءبىر تاباعىندا سيىر ەتىنىڭ ستەيكىنە قاراعاندا تەمىر مەن ماگني كوپ.
«ەگەر ءسىز قاراشەگىرتكەدەن جاسالعان تاعام ساتىپ العىڭىز كەلسە، قوماقتى اقشا جۇمساۋىڭىزعا تۋرا كەلەدى. قاراشەگىرتكە ۇنى - بۇل ءسان- سالتانات. ونىڭ ءبىر كەلىسى شامامەن 60 ەۋرو تۇرادى. قاراشەگىرتكە ماكارونىن ساتىپ الام دەسەڭىز، ءبىر پاكەتتىڭ قۇنى سەگىز ەۋروعا دەيىن جەتۋى مۇمكىن»، - دەيدى فەرما مەڭگەرۋشىسى يۆان البانو.
بۇل سۋپەرماركەتتەگى كادىمگى ماكاروننىڭ ستاندارتتى قاپتاماسىنان شامامەن سەگىز ەسە قىمبات.
بۇگىنگى كۇنى جاندىكتەردەن جاسالعان تاعام باتىس ەلدەرىنىڭ تۇرعىندارىنىڭ راتسيونىندا وتە جاقسى، ءبىراق باعاسى قىمبات ءونىم بولىپ سانالادى، ويتكەنى فەرمەرلەر قۇس ەتى مەن سيىر ەتىن الدەقايدا تومەن باعامەن ساتۋدا.
