ماجىلىسمەندەر تۇركىستان وبلىسىنداعى اراقتان باس تارتقان اۋىلعا باردى

بەس مىڭنان استام حالقى بار اۋىل الكوگولدەن تولىق باس تارتقانىمەن تانىمال، ونىڭ ورنىنا قىمىز جانە باسقا دا زيانسىز سۋسىنداردى ارتىق كورەدى.

سونداي- اق اۋىل «Ozen» قايىرىمدىلىق قورىنىڭ «100 قازاق اۋىلى» باعدارلاماسى اياسىندا تەست پلاتفورماسى رەتىندە تاڭدالعان.

ماجىلىسمەندەرمەن كەزدەسۋدە جوبا اۆتورلارى قوردىڭ قىزمەتى مەن ماقساتتارى تۋرالى ايتىپ بەردى.

«ءبىزدىڭ ماقساتىمىز دارىندى بالالارعا ارنالعان ءبىلىم بەرۋ جانە سپورت، شاعىن كاسىپكەرلىك، مەديتسينا جانە ينفراقۇرىلىم سالاسىنداعى الەۋمەتتىك ماڭىزى بار جوبالاردى ىسكە اسىرۋ ارقىلى قازاقستان اۋىلدارىنىڭ ەكوجۇيەسىن دامىتۋ بولىپ وتىر. قالا مەن اۋىل اراسىنداعى ايىرماشىلىقتى جويۋعا، سيفرلاندىرۋدى دامىتۋعا جانە ساپالى ينتەرنەتتى قولجەتىمدى ەتۋگە تىرىسامىز. سونداي- اق كاسىپورىندار اشۋ ەسەبىنەن جۇمىسسىزدىقتى ازايتقىمىز كەلەدى»، - دەدى جوبا اۆتورلارىنىڭ ءبىرى نۇرجان نيازالييەۆ.

سونداي- اق ماجىلىسمەندەر قور قاراجاتى ەسەبىنەن سالىنعان سپورت كەشەنىن ارالاپ، جاتتىعۋ جاساپ جاتقان بالالارمەن تىلدەستى.

وندا 100-گە جۋىق بالا كۇرەس جانە بوكس ۇيىرمەسىنە قاتىسادى.

سونىمەن قاتار ەرلان قوشانوۆ پەن رۋسلان بەردەنوۆ قور قاراجاتىنا سالىنىپ جاتقان كوللەدج قۇرىلىسىن قاراپ شىقتى.

بۇل كوللەدجدە 500-گە جۋىق بالا زاماناۋي جانە جايلى جاعدايدا وقۋعا مۇمكىندىك الادى.

«تۇركىستاندا حالىق سانى كوپ بولعاندىقتان ينفراقۇرىلىم ماسەلەلەرى بار. مەملەكەت تاراپىنان بولەك وسىنداي بيزنەستە جۇرگەن ازاماتتاردىڭ باستاماشىلىق تانىتىپ، ۇلكەن ءىس جاساپ جاتقاندارى قۋانتادى»، - دەدى ءماجىلىس ءتوراعاسى ەرلان قوشانوۆ.

اۆتور:

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى