استانادا ۇزدىك وتباسى انىقتالدى

«مەرەيلى وتباسى» ۇلتتىق بايقاۋى قازاقستاندا 2013 -جىلدان بەرى جىل سايىن وتكىزىلىپ كەلەدى.

«بيىل 210 وتباسى كونكۋرسقا قاتىسۋ ءۇشىن قۇجاتتار تاپسىردى، بۇل ەلورداداعى «مەرەيلى وتباسى» بايقاۋىنىڭ ءابسوليۋتتى رەكوردى. وتباسىلىق قۇندىلىقتاردى دۇرىس قالىپتاستىرۋ، بالالاردى پاتريوتيزم مەن جالپى ادامزاتتىق قۇندىلىقتار رۋحىندا تاربيەلەۋ - ءاربىر وتباسىنىڭ باستى مىندەتى. ول ادامگەرشىلىك قۇندىلىقتاردى جانداندىرۋعا جانە وتباسى مارتەبەسىن كوتەرۋگە باعىتتالعان. اكىمدىك وسى باعىتتاعى بارلىق باستامالاردى قولدايدى. وتباسى ينستيتۋتىن قولداۋدىڭ ساياساتى الداعى ۋاقىتتا دا ءوز جەمىسىن بەرەتىنىنە سەنىمدىمىن»، - دەدى استانا اكىمىنىڭ ورىنباسارى ەسەت بايكەن.

بايقاۋ جەڭىمپازى - كوپبالالى ءسادۋاقاسوۆتار وتباسى. ەندى ولار رەسپۋبليكالىق بىرىنشىلىككە دايىندىققا كىرىسەدى.

«مەن كوپبالالى انامىن. ءبىر كەزدەرى ەلورداعا قارقارالى قالاسىنان كەلدىك. 60 جىل جۇبايىممەن بىرگە تۇردىم. وتباسىمىزبەن كەز كەلگەن مەرەكەدە باس قوسامىز. بارلىق مەرەكەنى بىرگە اتاپ وتەمىز»، - دەدى تيشجان ءسادۋاقاسوۆا.

80 جاستاعى «التىن القا» يەگەرى جولداسىمەن بىرگە 12 بالا - 6 ۇل جانە 6 قىز تاربيەلەپ ءوسىردى. ولاردىڭ ءارقايسىسى ءوز قىزمەت سالاسىندا جەتىستىكتەرگە جەتكەن. سول سياقتى سپورتتاعى، قوعامدىق جانە شىعارماشىلىق جۇمىستارداعى، كونكۋرستارداعى بەلسەندىلىگى ءۇشىن ماراپاتتارعا يە بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى