التايداعى قازاقتارمەن كەزدەسۋ: قايماعى بۇزىلماعان قوساعاشىم
ورىس، التاي، قازاق حالىقتارىنىڭ تاتۋلىقتى تۋ ەتكەن مەكەنىندە قۇرامىندا وتانداستار قورىنىڭ پرەزيدەنتى ابزال ساپاربەك ۇلى جانە پارلامەنت دەپۋتاتتارى عالياسقار سارىبايەۆ، بولات كەرىمبەك پەن ءبىر توپ زيالى قاۋىم وكىلدەرى بار رەسمي دەلەگاتسيانى قوساعاش اۋدانىنىڭ اكىمى سەرىكجان مۇراتحان ۇلى مەن اۋدان ءماسليحاتى ءتوراعاسى ساناش ديدۋنوۆ شەكارا شەبىنەن قارسى الىپ، التاي قازاقتارىنىڭ مۇراسى ساقتالعان جاڭا اۋىل ەلدىمەكەنىنە الىپ باردى. دەلەگاتسيا مۇشەلەرى ءوڭىردىڭ تۇرمىس- تىرشىلىگىمەن تانىسىپ، وسىنداعى ۇلتتىق قۇندىلىقتار دارىپتەلگەن مۇراجايدى ارالادى.
التاي رەسپۋبليكاسىندا اۋماعى جاعىنان ەڭ ۇلكەن جانە ءۇش بىردەي ەلمەن شەكارالاس جاتقان (موڭعوليا، قازاقستان، قىتاي) قوساعاش اۋدانىنىڭ حالقى قازاقى ءداستۇرى مەن سالتىن جاقسى ساقتاعان. اتاپ وتەرلىگى، رەسەيدەگى قازاق تىلىندە 1-5 سىنىپتارعا ارنالعان وقۋلىق وتكەن جىلى وسى جەردە ۇستازداردىڭ ۇزاق جىلعى ەڭبەگىمەن وتكەن قولدانىسقا ەندى.
حالىقپەن كەزدەسۋ اۋدان ورتالىعىندا ورنالاسقان ساياباقتا رەسمي دەلەگاتسيامەن قاتار جۇرگەن قاراعاندىلىق «تاتتىمبەت» اتىنداعى اكادەميالىق ۇلتتىق اسپاپتار وركەستردىڭ سالتاناتتى كونتسەرتىمەن جالعاستى. بۇل شارالار رەسەي حالقىنىڭ وتباسى كۇنىمەن ورايلاس كەلدى.
قازاقستان تاۋەلسىزدىك العاننان بەرى العاش رەت وسى دەڭگەيدە قازاقشا كونتسەرت تىڭداعان قوساعاشتىقتار ەرەكشە قۋانىشقا بولەنىپ، كوزدەرىنە جاس الدى. اتامەكەننەن الىستا جاتقان التاي قازاقتارىنىڭ كوڭىلى مارقايىپ، رۋحى اسقاقتاپ، قازاقستانعا دۇعاي سالەمدەرىن جەتكىزدى.
شارا سوڭىندا ايماق حالقىنىڭ بىرلىگى، قازاق ءتىلىن ساقتاۋ جولىندا ايانباي ەڭبەك ەتىپ جۇرگەن قوساعاشتاعى قازاق مادەني ورتالىعىنىڭ باسشىسى ارقالىق سۇلتانوۆ ق ر پرەزيدەنتى قاسىم- جومارت توقايەۆتىڭ العىس حاتىمەن ماراپاتتالدى. سونىمەن قاتار اۋدان اكىمى سەرىكجان مۇراتحان ۇلى مەن اۋداندىق ءماجىلىس ءتوراعاسى ساناش ديدۋنوۆقا «وتانداستار قورى» العىس حاتى جانە «العىس» ەستەلىك مەدالى تابىس ەتىلدى.
