سولتۇستىك كورەيا ا ق ش- تى اۋە كەڭىستىگىمىزدى بۇزدى دەپ ايىپتادى
سولتۇستىك كورەيا ەڭبەك پارتياسىنىڭ ورتالىق كوميتەتى باسشىسىنىڭ ورىنباسارى جانە ەل باسشىسى كيم چەن ىننىڭ اپكەسى كيم ەچجون ا ق ش- تى اسكەري بارلاۋ ۇشاعى ەلدىڭ ەرەكشە ەكونوميكالىق ايماعىنا سەگىز رەت كىردى دەپ ايىپتادى
امەريكالىق كۇشتەر «زاڭسىز باسىپ كىرۋدى» جالعاستىرا بەرسە، جاعداي «قايعىلى اياقتالۋى مۇمكىن» ، دەدى كيم.
ول ا ق ش ك ح د ر اۋە كەڭىستىگىن بۇزدى دەگەن ايىپتى تاعى قايتالاپ ايتتى. بۇدان باسقا، كيم مۇنداي ۇشاقتاردىڭ اتىپ تۇسىرىلەتىنىن جەتكىزدى.
پەنتاگون پحەنياننىڭ اۋە كەڭىستىگىمىزدى بۇزدى دەگەن ايىپتاۋىن جوققا شىعارىپ، ا ق ش اسكەري كۇشتەرىنىڭ حالىقارالىق قۇقىقتى ۇستاناتىنىن مالىمدەدى.
«دەمەك، بۇل ايىپتاۋ - جاي عانا ايىپتاۋ» ، - دەدى تىلشىلەرگە بەرگەن سۇحباتىندا امەريكالىق اسكەري ۆەدومستۆو وكىلى سابرينا سينگح.
ا ق ش مەملەكەتتىك دەپارتامەنتىنىڭ وكىلى مەتتيۋ ميللەر سولتۇستىك كورەيانى «ەسكالاتسيالىق ارەكەتتەردەن باس تارتۋعا» جانە «كۇردەلى جانە دايەكتى ديپلوماتيامەن اينالىسۋعا» شاقىردى.
