پرەزيدەنت ەلوردانىڭ جاڭا اۋداندارىنىڭ اباتتاندىرىلماعانىن سىنعا الدى
بۇل تۋرالى ەلوردانى دامىتۋ ماسەلەلەرى جونىندەگى كەڭەستە مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«بەيبىتشىلىك پەن كەلىسىم سارايىنان جاڭا ۆوكزالعا دەيىن سوزىلعان ەلوردامىزدىڭ ستراتەگيالىق ءوسى ءبىر ۇلكەن جانە جايلى جاسىل ساياباققا اينالۋى ءتيىس. سوعان وراي جاقىن ماڭداعى بۇكىل كوشەلەر مەن اۋلالاردى جاقسارتۋ جانە اباتتاندىرۋ قاجەت»، - دەدى مەملەكەت باسشىسى.
سونداي- اق، پرەزيدەنتتىڭ ايتۋىنشا، الەۋمەتتىك نىسانداردىڭ قۇرىلىسىنا جانە مۇمكىندىگى شەكتەۋلى ازاماتتار مەن جاستار ءۇشىن قولايلى ورتا قۇرۋعا كوڭىل ءبولۋ ماڭىزدى.
كوپورتالىقتى ءتاسىل اياسىندا مىڭجىلدىق اللەياسى بيزنەس پەن قالا تۇرعىندارى ءۇشىن جاڭا تارتىمدى مەكەنگە اينالۋعا ءتيىس.
كەزەكتى ۇسقىنسىز تۇنەمەل اۋدانعا اينالماۋى كەرەك.
«جالپى، ەلوردانىڭ جاعالاۋ شاعىناۋدانى جانە تۇران داڭعىلىنىڭ باتىسىندا قۇرىلىس نىساندارى سياقتى جاڭا اۋداندار مۇلدەم اباتتاندىرىلماعان. كوشەلەر جارىقتاندىرىلماعان، تروتۋارلار اتىمەن جوق، ساياباقتار مەن الاڭداردى ايتپاعاننىڭ وزىندە مۇندا قوعامدىق كەڭىستىكتەر دە جوق»، - دەدى قاسىم- جومارت توقايەۆ.
