مۇگەدەكتىگى بار ادامعا كۇتىم كورسەتەتىن جەكە كومەكشىنىڭ قىزمەتىنە تولەنەتىن اقى مولشەرى وسەدى
«جەكە كومەكشىنىڭ الەۋمەتتىك قىزمەتتەرىنە كەپىلدىك بەرىلگەن سوما ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ايلىق ەسەپتىك كورسەتكىش مولشەرىنىڭ 13,6 پايىزى ەسەبىنەن ايقىندالادى»، - دەلىنگەن اشىق ن ق ا پورتالىندا جاريالانعان ەڭبەك جانە حالىقتى الەمەۋمەتتىك قورعاۋ ءمينيسترىنىڭ بۇيرىق- جوباسىندا.
قۇجاتقا ساي، ەندى اقى تولەۋ مىنا تارتىپپەن ەسەپتەلەدى:
- كەپىلدىك بەرىلگەن سوما = ايلىق ەسەپتىك كورسەتكىش %13,6.
«ق ر الەۋمەتتىك كودەكسىنە جانە «مىندەتتى الەۋمەتتىك مەديتسينالىق ساقتاندىرۋ تۋرالى» ق ر زاڭىنا سايكەس كەپىلدىك بەرىلگەن سومادان مىندەتتى زەينەتاقى جارنالارىن جانە مىندەتتى الەۋمەتتىك مەديتسينالىق ساقتاندىرۋعا جارنالارىن تولەۋگە شىعىستار ۇستالادى. جەكە كومەكشىنىڭ قىزمەتتەرىنە اقى تولەۋدى قالالىق باسقارمالار، جۇمىسپەن قامتۋ بولىمدەرى قىزمەت كورسەتۋدىڭ ناقتى ۋاقىتى ءۇشىن، ءبىراق كودەكستىڭ 163-بابىنىڭ 2-تارماعىنا سايكەس كۇنىنە 8 ساعاتتان اسىرماي جۇرگىزەدى. جەكە كومەكشىنىڭ 1 ساعاتتا كورسەتەتىن قىزمەتتەرىنە اقى تولەۋدى ەسەپتەۋ ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ايلىق ەسەپتىك كورسەتكىش مولشەرىنىڭ 13,6 پايىزىنىڭ ەسەبى نەگىزگە الىنا وتىرىپ جۇرگىزىلەدى»، - دەپ جازىلعان بۇيىرىقتا.
ايتا كەتەيىك، قولدانىستاعى تالاپقا ساي، جەكە كومەكشىنىڭ الەۋمەتتىك قىزمەتتەرىنە كەپىلدىك بەرىلگەن سوما ايلىق ەسەپتىك كورسەتكىش مولشەرىنىڭ 12 پايىزى ەسەبىمەن ايقىندالادى. ەندى ول %1,6 عا ءوسىپ وتىر.
قۇجات 24-شىلدەگە دەيىن كوپشىلىك تالقىلاۋدا بولادى.
