تەڭگەنىڭ جاڭا بانكنوتىنا ۇلتتىق بانك ءتوراعاسىنىڭ قولى قايتا قويىلۋى مۇمكىن
«ۇلتتىق ۆاليۋتا - قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىن بەكىتۋ تۋرالى» ق ر پرەزيدەنتىنىڭ 2018 -جىلعى 12 -جەلتوقسانداعى № 804 جارلىعىنا مىناداي وزگەرىس ەنگىزىلسىن:
جوعارىدا اتالعان جارلىقپەن بەكىتىلگەن ۇلتتىق ۆاليۋتا - قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىندا:
7-تارماق مىناداي رەداكسيادا جازىلسىن:
«7. مىنالار:
1) سەريالىق ءنومىرى جانە ديزاينىنىڭ بەكىتىلگەن جىلى؛
2) بانكنوتتاردىڭ ديزاينى بەكىتىلگەن قازاقستان رەسپۋبليكاسى ۇلتتىق بانكى ءتوراعاسىنىڭ قولى؛
3) بانكنوتتاردى قولدان جاساۋ ءۇشىن جاۋاپتىلىق تۋرالى جازبا بانكنوتتار ديزاينىنىڭ قوسىمشا ەلەمەنتتەرى بولىپ تابىلادى»، - دەلىنگەن اشىق ن ق ا پورتالىندا جاريالانعان پرەزيدەتتىڭ جارلىق جوباسىندا.
ايتا كەتەيىك، قازىرگى بانكنوتتار مەن مونەتالاردا بانك ءتوراعاسىنىڭ قولى مەن اقشانى قولدان جاساعانى ءۇشىن جاۋاپكەرشىلىك قاراستىرىلعانى تۋرالى مالىمەت ورنالاستىرىلمايدى. ۇلتتىق بانك مالىمەتىنە ساي، مۇنداي تاجىريبە الەمنىڭ بىرنەشە ەلىندە بار. بۇل - بانكنوتتىڭ ءتۇپنۇسقا ەكەنىنە كەپىلدىك بەرمەك.
«جارلىقتىڭ جوباسىنىڭ ماقساتى - بانكنوتتاردىڭ ديزاينىن قازاقستان رەسپۋبليكاسى ۇلتتىق بانكى ءتوراعاسىنىڭ قولى تۇرىندەگى جاڭا ەلەمەنتپەن تولىقتىرۋ. ول تۇتىنۋشى الدىندا شىعارىلعان بانكنوتتاردىڭ ءتۇپنۇسقالىعىنا كەپىلدىك بەرۋ فۋنكتسياسىن كۇشەيتۋ ماقساتىندا ەنگىزىلىپ وتىر. بۇل پراكتيكا ءبىرقاتار ەلدەردە، اتاپ ايتقاندا، ەۋروپا وداعىندا، سونداي- اق انگليادا، ا ق ش پەن سينگاپۋردا قولدانىلادى. سونىمەن قاتار، بانكنوتتاردىڭ ديزاينىن جالعان اقشا جاساۋ ءۇشىن جاۋاپتىلىق تۋرالى ەسكەرتۋ تۇرىندەگى جاڭا ەلەمەنتپەن تولىقتىرۋ ۇسىنىلادى» ، - دەپ تۇسىندىرمە بەرىلگەن جارلىق جوباسىنا.
قۇجات 24-شىلدەگە دەيىن كوپشىلىك تالقىلاۋدا بولادى. كەيىن قول قويۋ ءۇشىن مەملەكەت باسشىسىنا جولدانادى.
