الماتىدا قىلمىستىق توپتىڭ ۇستالۋى: اۆتومات، گراناتا، اتىس قارۋلارى جانە ەسىرتكى تاركىلەندى

ارنايى وپەراتسيا بارىسىندا ۇيىمداسقان قىلمىستىق توپتىڭ (ۇ ق ت) 5 بەلسەندى مۇشەسى ۇستالىپ، ولاردان كالاشنيكوۆ اۆتوماتى، ماكاروۆ تاپانشاسى، جاۋىنگەرلىك گراناتا، تەگىس ۇڭعىلى «شولاق» مىلتىق جانە سينتەتيكالىق سيپاتتاعى ەسىرتكى زاتى تاركىلەندى.

توپ مۇشەلەرى دەنساۋلىققا اۋىر زيان كەلتىرۋ، اسا ءىرى كولەمدە ەسىرتكى زاتىن ساتۋ ماقساتىندا ساقتاۋ، قارۋ مەن وق-ءدارىنى زاڭسىز تاسىمالداۋ جانە ساقتاۋ قىلمىستارىن جاسادى دەگەن كۇدىككە ىلىنگەن.

ءۇش كۇدىكتى تەرگەۋ سوتىنىڭ رۇقساتىمەن قاماۋعا الىنىپ، قالعاندارىنا قاتىستى قاجەتتى تەرگەۋ ءىس-قيمىلدارى جۇرگىزىلۋدە.

قولدانىلعان شارالار الماتى قالاسىنىڭ قىلمىستىق احۋالىن جاقسارتۋعا جانە قىلمىستىق ورتانىڭ قوعامعا اسەرىن السىرەتۋگە باعىتتالعان.

جەدەل-تەرگەۋ ءىس-شارالارى جالعاسۋدا.

قىلمىستىق-پروتسەسسۋالدىق كودەكستىڭ 201-بابىنا سايكەس وزگە اقپارات تەرگەۋ مۇددەسىنە ساي جاريا ەتىلمەيدى.

كونستيتۋتسيانىڭ 77-بابى 3-تارماعى 1-تارماقشاسىنا جانە قىلمىستىق- پروتسەسسۋالدىق كودەكستىڭ 19-بابى 1-بولىگىنە سايكەس ادامنىڭ كىنالى ەكەندىگى زاڭدى كۇشىنە ەنگەن سوت ۇكىمىمەن تانىلعانشا ول جاسالعان قىلمىسقا كىنالى ەمەس دەپ ەسەپتەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى