مىرزاعالي ايتجانوۆ دوپينگ داۋىنا ىلىككەن شاكىرتتەرىنە قاتىستى پىكىر ءبىلدىردى

«بۇل ءوزى بۇرىن بولعان جاعداي. نەگە دەسەڭىز، تىيىم سالىنعان پرەپاراتتار ادامنىڭ ازعاسىندا 3-4 اي، كەيدە ءبىر جىلعا دەيىن بولادى. قاڭتار ايىندا ۇلتتىق دوپينگكە قارسى ورتالىق ساماتالى تولتايەۆ پەن ابزال سەرىكتى دوپينگكە تەكسەرگەندە ولار سىنامادان وتە الماعان»، - دەدى باس جاتتىقتىرۋشى sportpress.kz سايتىنا بەرگەن سۇحباتىندا.

مىرزاعالي ايتجانوۆتىڭ سوزىنە قاراعاندا، بوكسشىلار ول قۇرامانىڭ باس جاتتىقتىرۋشىسى بولىپ تاعايىندالعانعا دەيىن دوپينگ قولدانعان. ولار ەرەجە ساقتاماي جۇرە بەرگەن. ال ىشكەن ۆيتامين ادام اعزاسىنان جارتى، ءتىپتى ءبىر جىلدان كەيىن دە شىعادى.

«قازىر ءبارىن وزگەرتتىك. بوكسشىلارعا تىيىم سالىنعان ءدارى-دارمەكتەر، ۆيتاميندەر ىشپەڭدەر دەپ ايتامىز، ەسكەرتەمىز. ەڭ الدىمەن ەسكەرتەمىز. ۇلتتىق قۇرامانىڭ دارىگەرى يرەك ساتوۆ ەسكەرتۋ جاسايدى، عىلىمي توپتىڭ باسشىسى عاليا بيليالوۆا سپورتشىلارمەن سەمينار وتكىزەدى. سوسىن بوكسشىلار وقۋ-جاتتىعۋ جيىندارىندا دوپينگكە تەكسەرىلەدى. ولارعا تاعى دا ەسكەرتۋ جاسالادى. قازىر بوكسشىلار دەمالىستا. دەمالىستا دا ولارعا تىيىم سالىنعان زاتتاردى ىشپەڭدەر دەپ ەسكەرتۋ جاسايمىز»، - دەدى ول.

وسىعان دەيىن ابزال سەرىك پەن ساماتالى تولتايەۆ دوپينگ داۋىنا ىلىككەنىن حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى