جاڭاقورعان شارۋالارى امەريكاندىق قاربىز ەگىپ، تابىسقا كەنەلىپ وتىر
جاڭاقورعان اۋدانىنداعى كەي شارۋاشىلىق كۇرىشتىڭ ورنىنا امەريكاندىق قاربىز ەگىپ تابىسقا كەنەلىپ وتىر. بۇل شارۋاشىلىق نەگىزىنەن كۇرىش ەگۋمەن اينالىسادى. ءبىراق سوڭعى ۋاقىتتا سۋ تاپشىلىعىنا بايلانىستى ەگىندى ءارتاراپتاندىرۋعا كوشكەن. وسىلايشا 20 گەكتار جەرگە قاربىزدىڭ امەريكاندىق سورتىن ەكتى. 55 كۇندە پىسەتىن داقىلدىڭ شىعىمى كوڭىلدەن شىعادى. ءار گەكتارىنان 25-30 توننا ءونىم بەرەدى، - دەيدى شارۋالار.
ەرقۇتتى بايبوسىن، شارۋا قوجالىعىنىڭ وكىلى:
- بيىلعا سۋ باسىندا ناشارلاۋ بولدى. سوڭىنا قاراي جاقسارىپ، وسى جيناعان، وسىرگەن داقىلدارىمىزدى جيناپ الىپ، جىبەرىپ وتىرمىز، ەكسپورتتاپ. رەسەي جانە قازاقستاننىڭ شەت جاقتارىنا - باتىس قازاقستانعا، شىعىس قازاقستانعا جىبەرىپ وتىرمىز. 100 توننادان جوعارى جىبەردىك.
جاڭاقورعاننىڭ بىرلىك، جايىلما اۋىلدارى تاۋ بەتكەيىندەگى سۋ قويماسىنا جاۋىننان جينالاتىن تىرشىلىك ءنارىن ەگىنگە پايدالانادى. دەسە دە ديقان قاۋىم جەر استىنان سۋ الۋدىڭ كونە ادىستەرىن ارا- تۇرا قولدانادى. قازىر وسى ەلدى مەكەندەر ماڭىندا بۇرىن اتا- بابالارىمىز پايدالانعان تەرەڭدىگى 15 مەترگە جەتەتىن 6 كارىز دايىن تۇر. ءبىراق تابيعي جولمەن جينالاتىن سۋ قورىنىڭ دەڭگەيى ازىرگە جەتكىلىكتى دەپ وتىر ماماندار.
داۋرەن ابيبۋللايەۆ، جاڭاقورعان اۋداندىق اۋىل شارۋاشىلىعى ءبولىمىنىڭ باس مامانى:
- 600 گەكتارعا جۋىق كوكونىسىمىز بار، 2 مىڭ گەكتار باقشامىز بار. 500 گەكتار كارتوپ ەگىپ جاتىرمىز جەكە شارۋاشىلىقتار ەسەبىنەن. بۇل جەردە قوسىمشا تۇرعىندارعا ءوز- ءوزىن ازىقپەن قامتاماسىز ەتۋ ماقساتىندا جاڭا جەرلەر اشىلعان. سول جەردى يگەرىپ، حالىق ەگىپ وتىر. بيىل وبلىس بويىنشا 19 مىڭ 600 گەكتار جەرگە كوكونىس، باقشا داقىلدارى ەگىلدى. بۇعان قوسا سويا داقىلىنىڭ كولەمى 74 گەكتارعا، قانت قۇمايى 221 گەكتارعا ارتىپ وتىر.
www.24.kz
