ەلىمىزدە بانك قارىزدارى مەن ميكروكرەديتتەردە دۇرىس ەسەپتەمەۋ، جاسىرىن كوميسسيالار انىقتالدى
مۇنداي دەرەكتەر «اشىق ن ق ا» پورتالىندا «ق ر كەيبىر زاڭنامالىق اكتىلەرىنە قارجى ۇيىمدارىنىڭ قىزمەتىن رەتتەۋ جانە قارجىلىق كورسەتىلەتىن قىزمەتتەردى تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قۇجاتتا قامتىلعان.
«وتكەن جىلى قارجى نارىعىن رەتتەۋ جانە دامىتۋ اگەنتتىگى جەكە جانە زاڭدى تۇلعالاردىڭ 35337 ءوتىنىشىن قارادى. ال 2021 -جىلى مۇنداي وتىنىشتەر 42925 بولعان ەدى. تۇتىنۋشىلار ءوتىنىشىنىڭ %99 ى بانكتەر مەن بانكتىك ەمەس ۇيىمدار سەكتورىنا قاتىستى بولدى. تالداۋ كورسەتكەندەي، بانك جانە ميكروقارجى سالاسىنداعى نەگىزگى وتىنىشتەر بانك قارىزدارى مەن ميكروكرەديتتەردى كەشىرۋ، ولاردى قايتا قاراۋ جانە نورماتيۆتىك-قۇقىقتىق اكتىلەردىڭ نورمالارىن ءتۇسىندىرۋ جونىندە بولعان. زەرتتەۋ ناتيجەسىندە قارىز الۋشىنىڭ بورىشتىق جۇكتەمە كوەففيسيەنتىن دۇرىس ەسەپتەمەۋ، جاسىرىن كوميسسيالار، سىياقى مولشەرلەمەسىنىڭ شەكتى مانىنەن جانە جىلدىق ءتيىمدى سىياقى مولشەرلەمەسىنەن اسىپ كەتۋى، جالعان تۇتىنۋشىلىق كرەديتتەردى راسىمدەۋ سياقتى پروبلەمالار انىقتالادى»، - دەلىنگەن قۇجاتتا.
بۇعان دەيىن قازاقستاندا 17 ميكروقارجى ۇيىمى ليتسەنزياسىنان ايىرىلعانى حابارلانعان ەدى.
