ۇلتتىق مۋزەيگە كونە وتىرار داۋىرىنەن سىر شەرتەتىن جادىگەرلەر قويىلدى
قالا كۇنىنە وراي ۇيىمداستىرىلعان كورمەدە قازاقستاننىڭ ەجەلگى وركەنيەت ورداسى وتىرارعا قاتىستى قۇندى جادىگەرلەر تانىستىرىلدى، دەپ حابارلايدى قازاقپارات مۋزەيدىڭ باسپا ءسوز قىزمەتىنە سىلتەمە جاساپ.
ءوز زامانىندا وركەنيەت ورداسى سانالىپ، باتىس پەن شىعىستى بايلانىستىرعان، قازاقتىڭ بويتۇمارىنا اينالعان وتىراركورمەسىنە تاريحتىڭ، حالىقتىڭ ءوسۋ جولىمەن ۇشتاسىپ، جالعاسىپ كەلە جاتقان زەرتتەۋلەر ناتيجەسىندە تابىلعان جادىگەرلەر قويىلعان. تاريحي- تاعىلىمدى كورمەدە وتىرار دالاسىندا ۇلى جىبەك جولى ارقىلى ساۋدا قاتىناستارىنىڭ دامۋى جانە قاراحان داۋىرىنەن باستاپ، قازاق حاندىعىنا دەيىنگى قالالىق مادەنيەتتىڭ وركەندەۋى مەن دامۋىنان حابار بەرەتىن 154 ارحەولوگيالىق جادىگەرلەر كوپشىلىك نازارىنا ۇسىنىلدى.
كورەرمەنگە وتكەن تاريحىمىزدان كەڭ كولەمدە مالىمەت بەرۋ ءۇشىن مۇراجاي قورى جيناعىنداعى ارحەولوگيالىق جادىگەرلەر - كەراميكالىق بۇيىمدار، نۋميزماتيكالىق ماتەريالدار، شىنىدان جاسالعان زاتتار ت. ب. زاتتاي دايەكتەمەلەر، سونىمەن بىرگە، ەسكەرتكىشتەرگە قاتىستى اەروفوتولار مەن كارتالار ۇسىنىلدى.
ءىس- شارا بارىسىندا ءسوز العان ۇلتتىق مۋزەي ديرەكتورىنىڭ مىندەتىن اتقارۋشى اقمارال عوسمان قىزى يبرايەۆا مەن «وتىرار» مەملەكەتتىك ارحەولوگيالىق مۋزەي-قورىعىنىڭ ديرەكتورى جانگەلدى مەڭلىباي ۇلى حالقىمىزدىڭ وتكەن تاريحىنان سىر شەرتىپ، تولىمدى ءارى تىڭ مالىمەتتەر ۇسىنىپ وتىرعان كورمە جۇمىسىنا ساتتىلىك تىلەدى. ورتاعاسىرلىق كونە قالادان تابىلعان جادىگەرلەر تاريحى وتىرار، وقسىز، قۇيرىقتوبە - ورتاعاسىرلىق قالاسىمەن دە ۇندەسىپ جاتقانىن ايتىپ، وسىنداي كورمەلەر جەرگىلىكتى تۇرعىندار كوكىرەگىنە رۋحاني ءنار قۇياتىنىن جەتكىزدى. ويلىلاردىڭ ءىزى قالعان وتىراردا الەمدىك وركەنيەتتىڭ ۇلى ويشىلدارىنىڭ ءبىرى - ءابۋ ناسىر ءال-فارابيدى دۇنيەگە اكەلسە، تۇركى حالىقتارىنىڭ رۋحاني كوشباسشىلارىنىڭ ءبىرى قوجا احمەت ياساۋي تۇركىستان قالاسىندا ءومىر ءسۇرىپ، ءىلىم تاراتقانى ايتىلدى.
كورمە 30 شىلدەگە دەيىن جالعاسادى.
