ناپولەوننىڭ باسىنا «چيپ» ورناتقان كىم؟
زەرتتەۋشىنى شوشىندىرعان - ناپولەوننىڭ باس سۇيەگىندەگى ەلەكتروندى مەحانيزمگە ۇقسايتىن ءبىر سانتيمەتردەن ءسال عانا استام مەتالدان جاسالعان زات.
ەلەكتروندى اپپاراتتا پايدالانىلاتىن ميكروچيپكە ۇقساس زاتتى مۇقيات زەرتتەگەن عالىمدار ونىڭ مي جۇمىسىن كۇرت ارتتىرىپ، كۇردەلى ينتەللەكتۋالدى تاپسىرمالاردى تەز شەشۋگە كومەكتەسەتىنىنە ءبىراۋىزدان «قول قويعان». ءدال وسى «زاپچاست»، دەپ مالىمدەدى لەفەۆر، يمپەراتوردىڭ ينتەللەكتۋالدىق قابىلەتىن بىردەن كوتەرگەن. الگى پريبوردىڭ سۇيەك ىشىنە سۇعىنا ەنىپ تۇرعانى، وقىمىستىلاردىڭ پىكىرىنشە، ناپولەونعا جاس شاعىندا ەنگىزىلگەنىن بىلدىرەدى.
عالىمداردىڭ ويىنشا، مۇنى جەرگە قونعان جات پلانەتالىق وركەنيەت وكىلدەرى ىسكە اسىرعان. ماقساتتارى - ادامزاتتىڭ دامۋىنا ىقپال ەتۋ. لەفەۆردىڭ ەسەبىنشە، ينتەللەكتكە قوزعاۋ سالاتىن «بولشەك» بولاشاق دانىشپانعا 1794- جىلى شىلدە ايىندا قوندىرىلعان. ءدال سول مەزگىلدە ناپولەون بىرنەشە كۇن بويى جان بالاسىنىڭ كوزىنە تۇسپەگەن. كەيىننەن ول ءوزىنىڭ جوعالىپ كەتكەنىن تۇتقىندالىپ، بىرنەشە كۇن تۇرمەدە وتىرعانىمەن تۇسىندىرگەن.
«ناپولەوننىڭ سول مەزگىلدە تۇتقىندالعانى جونىندە ەشقانداي قۇجاتتىق دالەلدەمە جوق، سوعان قاراعاندا ونى جات پلانەتالىقتار ۇرلاپ اكەتىپ، وپەراسيا جاساۋ ارقىلى پريبوردى ورناتقان» دەپ ەسەپتەيدى يمپەراتوردىڭ باس سۇيەگىن زەرتتەۋشى.
جوعالىپ كەتىپ، قايتا تابىلعاننان كەيىن بوناپارتتىڭ اسكەري تالانتى بىردەن جارقىراعان. اسكەري ماماندار ونىڭ كوز ىلەسپەس جەڭىستەرىن تاڭعاجايىپ قۇبىلىسقا تەڭەيدى.
شامامەن 1810- جىلدان باستاپ، ناپولەوننىڭ اسكەري-ستراتەگيالىق قابىلەتى تومەندەي باستايدى. سوعان قاراعاندا باس سۇيەگىندەگى ميكروچيپ ىستەن شىعا باستاعان دەلىنەدى. شاماسى، ءوز ميسسياسىن ورىنداپ بولعان بوناپارتقا جات پلانەتالىقتار ەلەكتروماگنيتتىك سيگنالدار جىبەرۋدى توقتاتقان سياقتى.
جالعىز ناپولەون ەمەس، ونىڭ ار جاعى مەن بەر جاعىنداعى، ءتىپتى بۇگىن كوز الدىمىزدا ءجۇرىپ جاتقان تالاي دانىشپان تۇلعالاردىڭ باسىندا «چيپ» بولماسىن دەڭىز. ادامزاتتىڭ بۇكىل تاريحىندا قوعامنىڭ دامۋى ءۇشىن ءارتۇرلى ءادىس-تاسىلدەر قولدانعان جانە قازىر دە قولدانىپ كەلە جاتقان شىنىمەن دە جات پلانەتالىقتار ما، جوق الدە، «جاسىرىن الەمدىك ۇكىمەت» پە؟
بۇلاي دەۋىمىزگە ءبىزدى جاهاندانۋعا قاتىستى ءدال قازىر قولعا الىنىپ جاتقان عاجايىپ نانو تەحنولوگيالىق جوبالار مەن كيبەرنەتيكالىق باعدارلامالار يتەرمەلەپ وتىر.
قازىردىڭ وزىندە ۇيالى بايلانىس، ينتەرنەت، ەلەكتروندى پاسپورت ارقىلى الەمدىك جۇيەگە تاۋەلدى بولىپ وتىرمىز. ارى قاراي نە بولماق؟ پاسپورتقا، بانكنوتقا، كيىمگە ەنگىزىلىپ جاتقان ميكروچيپ ادامعا دا جەتتى. تەرى استىنا ەنگىزىلگەن بيداي دانىندەي ميكروچيپ جۇيكە جۇيەسىنە، ودان ميعا اسەر ەتىپ، ادامدى ءوز ەركىنەن ايىرادى. ءسويتىپ، ءومىرىڭىزدىڭ سوڭىنا دەيىن ەلەكتروندى گيپنوزدا ءجۇرىپ، بيوروبوتقا اينالعانىڭىزدى بىلمەي دە قالاسىز. وسى ميكروچيپ ءسىزدىڭ ومىرلىك جولىڭىزدى، ماماندىعىڭىزدى، كيەتىن كيىمىڭىزگە دەيىن تاڭداپ بەرەدى. قازىر وتار قويدىڭ ءوزىن شوپانسىز باعۋ ءتاسىلى شىققان، ياعني قويدىڭ تەرىسىنە ەلەكترود ەنگىزىپ، راديو ارقىلى باعىپ-باسقارادى. ادام دا وسىنداي قويعا اينالادى.
بۇگىندە پەنتاگونمەن قۇپيا بايلانىسى بار امەريكالىق جانە ەۋروپالىق كومپانيالار اسكەري سپۋتنيكتىك اۆتوماتتى يدەنتيفيكاسيالاۋ تەحنولوگياسى ارقىلى ءتۇرلى جوبالاردى دۇنيەگە اكەلىپ، جارنامالاپ، ەلەكتروندى قوندىرعىلاردى ءۇستىن-ۇستىنە توعىتۋدا. امەريكالىق اسكەري قىزمەتكەرلەردىڭ وڭ قولىنا جاي كوزگە كورىنبەيتىن 16 ساندى ءنومىرلى ميكروچيپ ەنگىزىلۋدە، ونىڭ بازاسىندا الگى ادام تۋرالى بۇكىل مالىمەت ساقتاۋلى تۇرادى. اەروپورت، كۇش قۇرىلىمدارى، ارناۋلى قىزمەت، قۇقىق قورعاۋ ورگاندارى قىزمەتكەرلەرىنىڭ دە تەرى استىنا ميكروچيپ ەنگىزىلۋدە. كەزەكتە شەنەۋنىكتەر مەن مەملەكەتتىك قىزمەتكەرلەر تۇر. مۇنىڭ ءبارى ولاردىڭ قىزمەتىن باقىلاۋ ءۇشىن كەرەك دەلىنەدى.
جان-جانۋارلاردى ايتپاعاندا، اسكەريلەرگە، تەررورشى قىلمىسكەرلەر مەن يمميگرانتتارعا، اداسىپ قالماۋى ءۇشىن كەمپىر-شالدارعا، ۇرلانىپ كەتپەۋى ءۇشىن بالالارعا، سىرقاتتارعا ەنگىزىلىپ جاتقان چيپ كۇندەردىڭ-كۇنىندە ءسىزدىڭ دە ەسىگىڭىزدى قاعىپ تۇرۋى ابدەن مۇمكىن.
«ۇلكەن سەگىزدىكتىڭ»، حالىقارالىق اقسۇيەكتەر ۇيىمى - بيلدەربەرگ كلۋبىنىڭ حالىقارالىق تەرروريزمگە قارسى بۇكىل الەم تۇرعىندارىن جاڭا جاهاندىق جۇيەگە كىرۋگە جانتالاسا شاقىرىسىنىڭ استارىندا وسى ميكروچيپ جاتىر. كەز كەلگەن ۋاقىتتا RussGPS جۇيەسىنىڭ كومەگىمەن وسى جۇيەنىڭ قوجايىنى جەر شارىنداعى كەز كەلگەن زاتتىڭ، ونىڭ ىشىندە تەرى استىنا ميكروچيپ ەنگىزىلگەن بارلىق ادامنىڭ دالمە-ءدال ورنىن، قايدا جۇرگەنىن، قايدا باعىت العانىن جانە قوزعالىس جىلدامدىعىن ءدال انىقتاپ بەرە الادى جانە ولاردى ءبىر مەزگىلدە قالاۋىنشا باسقارا الادى.
ونىڭ باقىلاۋىنان كولىكتەر تە تىس قالمايدى: ميكروچيپكە ەلەكتروندى سيگنال جىبەرۋ ارقىلى موتوردى ءسوندىرىپ، باسقا دا ارەكەتتەر جاسايدى، ءتىپتى كولىك رۋلىندەگى ادامنىڭ جۇيكەسىنە تۇرلىشە اسەر ەتىپ، ونى ولتىرە دە الادى. وسىلايشا جەكە ادام عانا ەمەس، تۇتاس ەلدەردىڭ مەملەكەتتىك ورگاندارى مەن ماتەريالدىق رەسۋرستارى باقىلاۋعا الىنادى. ونىڭ سوڭى جەر شارىنىڭ بارلىق تۇرعىنىن باقىلاپ قانا قويماي، باسقارۋعا الىپ بارادى. بۇل جۇيەنىڭ قوجايىنى كىم دەسەڭىز، ول - الەمدىك ۇكىمەت، الەمدىك پارلامەنت، بىلايشا ايتقاندا جاهاندىق ديكتاتور. ءتۇپتىڭ-تۇبىندە بارلىق مەملەكەتتەردىڭ بۇكىل بيلىگى سوعىسسىز-اق، ىڭ-شىڭسىز وسى الەمدىك ۇكىمەتتىڭ باسقارۋىنا بەرىلەدى. جاهاندانۋدىڭ شىڭى - وسى.
سۋپەرەلەكتروندى ەلدەر ادام ميىنا چيپ ورناتۋعا كىرىسىپ تە كەتتى. ادامنىڭ بۇكىل ءومىرى، ماتەريالدىق مالىمەتتەرىمەن قوسا، جان دۇنيەسى، ويى دا ەلەكتروندى بازادا ساقتاۋلى تۇرادى. ادام ميىن كادىمگىدەي كومپيۋتەرگە قوسىپ قويىپ، ويىن وقي بەرەدى. بولاشاقتا بۇكىل ادامزات ميىنا جاپپاي چيپ قوندىرىلىپ جۇرمەسىنە كىم كەپىل؟!
الەم ەلدەرىنىڭ ءدىندارلارى ەلەكتروندى جۇيە ارقىلى ادامدى تاجىريبەگە، تاۋارعا اينالدىرۋعا قارسى ورە تۇرەگەلۋدە. وسى جايىندا قاسيەتتى كىتاپتاردان ۇزىندىلەر كەلتىرۋدە. چيپ دەگەن نە؟ ول - ءدىندارلاردىڭ ايتۋىنشا «شايتاننىڭ قارا تاڭباسى». مۇنداي تاڭباسى بار ادام قۇران وقي المايدى ەكەن...
ءسوزىمىزدىڭ باسىندا ايتقان ۇشاتىن تاباقشالار جات پلانەتالىقتاردىڭ ءونىمى ەمەس، جەردەگىلەر، ناقتى ايتقاندا، گيتلەرشىلدەر جاساعان پالەكەت ەكەنى انىقتالىپ وتىر. 1948- جىلدان باستاپ ا ق ش جەر استىنان جابىق ينستيتۋتتار قۇرىپ، نەمىستەردىڭ ۇشاتىن تاباقشاسىن جەتىلدىرۋمەن اينالىسقان. جالپى، جەر بەتىندەگى ۇدەرىستەردىڭ ءبارى ىرىكتەلگەن 300 اقسۇيەك وتباسىنىڭ ارنايى باعدارلاماسى بويىنشا جۇرگىزىلۋدە دەلىنەدى.
ماسەلەن، امەريكا مەملەكەتىن، تاريحتان وقىپ جۇرگەنىمىزدەي، ءار ەلدىڭ بايلارى ءبىر مەزگىلدە كوشىپ بارىپ قۇرا سالماعان. مۇنىڭ ءبارى الدىن الا ءجىتى ويلاستىرىلىپ، جولعا قويىلعان نارسە. كەزەگى كەلدى، جاريالادى.
كىم ءبىلىپتى، بۇل دا كوكتەگى ەمەس، جەردەگى جارتى قۇدايلاردىڭ جاساپ جاتقان ارەكەتى بولار. الەم تۇرعىندارىنىڭ تەڭ جارتىسىن ەلەكتروندى باقىلاۋعا الۋ ارقىلى وق شىعارماي-اق جويىپ جىبەرۋگە نەمەسە سانا-سەزىمدەرىن جاڭا باعىتقا بۇرۋعا بولاتىن شىعار. كىم ءبىلىپتى...
تورەعالي تاشەنوۆ
«ايقىن». 2012
