تۇركىستاندىق ۇستاز قىمىزدان بالمۇزداق، ساۋمالدان سابىن جاساپ شىعاردى
جادىرا بايدالى №11- تۇركىستان كوللەدجىندە قىزمەت اتقارادى. «تاماقتاندىرۋدى ۇيىمداستىرۋ» ماماندىعى بويىنشا ارنايى پاننەن ستۋدەنتتەرگە ساباق بەرەدى. جاس ۇستاز بوس ۋاقىتاندا كاسىپپەن اينالىسقاندى قۇپ كورەدى.
جادىرانىڭ جاساپ جاتقان قىمىز بالمۇزداعىنىڭ باسقالاردان ايىرماشىلىعى وتقا دايىندالادى جانە ونىڭ قۇرامى وزگەرمەي تابيعي قۇندىلىعىن ساقتايدى. ءدامى دە وزگەشە. ەڭ باستىسى - سۋسىننىڭ قۇرامىندا تۇيىرشىكتى اقۋىزدار بار، ول ادام دەنساۋلىعىنا پايدالى تابيعي يممۋندىق قاسيەتتەرگە يە.
«جاڭا جوبانىڭ ماقساتى - قىمىز بالمۇزداعىنىڭ بيولوگيالىق قۇندىلىقتارعا باي جانە ادام اعزاسىنا پايدالى ەكەنىن دالەلدەۋ. ءبىزدىڭ نارىقتا ۇلتتىق ونىمدەر، ونىڭ ىشىندە قىمىز ونىمدەرىنىڭ تۇرلەرى از ەكەنىن بايقاۋعا بولادى. بالمۇزداق جاستارعا دا، بالالارعا دا ۇنايدى. قوسپاسىز بيوونىمدەر دەنساۋلىققا دا پايدالى»، - دەيدى ول.
سونىمەن قاتار ۇستاز ەمدىك پايداسى بار ساۋمال قوسىلعان سابىن شىعارا باستادى. جوبانى مەملەكەت قولدايتىن بولسا، ەكو ونىمدەردى بولاشاقتا قازاقستاننىڭ وزگە وڭىرلەرى مەن شەتەلگە ەكسپورتتاۋدى جوسپارلاپ وتىر.
