مەملەكەت قىلمىسكەردەن تاركىلەنگەن دۇنيە- مۇلىكتى نە ىستەيدى
قولدانىستاعى تارتىپكە سايكەس مەملەكەت كىرىسىنە اينالدىرىلعان مۇلىك ءبىرىنشى كەزەكتە مەملەكەتتىك زاڭدى تۇلعالارعا، ولاردىڭ تەڭگەرىمىنە بەكىتۋ ءۇشىن ۇسىنىلادى.
مەملەكەتتىك ورگانداردىڭ مۇلىكتىڭ قاجەتتىلىگى تۋرالى ءوتىنىشىن كوميتەتتىڭ اۋماقتىق بولىمشەلەرى زەردەلەپ، سول مۇلىككە قاجەتتىلىك جانە وندىرىستىك قاجەتتىلىك بولعان كەزدە مۇلىكتى بەرەدى، ءسويتىپ مەملەكەتتىك زاڭدى تۇلعالاردىڭ تەڭگەرىمىنە بەكىتەدى.
بۇل نورما مەملەكەتتىك زاڭدى تۇلعالاردىڭ ماتەريالدىق- تەحنيكالىق بازاسىن، ونىڭ ىشىندە اۆتوماشينا پاركىن (قىزمەتتىك، كەزەكشى، ارنايى) جاڭارتۋ ءۇشىن بيۋدجەت قاراجاتىن ۇنەمدەۋ ماقساتىندا كوزدەلگەن.
مەملەكەتتىك زاڭدى تۇلعالار ءوتىنىش بەرمەسە نەمەسە مۇلىكتى مەملەكەت مەنشىگىنە بەرۋ ەكونوميكالىق ورىنسىز بولسا ول ساۋدا- ساتتىققا شىعارىلادى.
سونىمەن قاتار، قازىرگى ۋاقىتتا بۇقارالىق اقپارات قۇرالدارىندا جانە الەۋمەتتىك جەلىلەردە تاركىلەنگەن مۇلىكتى (مىسالى قىمبات كولىكتەر، قولساعات، ت. ب. ) مەملەكەتتىك زاڭدى تۇلعالاردىڭ تەڭگەرىمىنە بەرۋ ماسەلەسى ءجيى كوتەرىلىپ ءجۇر.
وسىعان بايلانىستى قارجى مينيسترلىگى نورماتيۆتىك- قۇقىقتىق اكتىلەرگە ءتيىستى تۇزەتۋلەر ەنگىزۋدى كوزدەيتىن بۇيرىقتىڭ جوباسىن ازىرلەدى (قازاقستان رەسپۋبليكاسى قارجى ءمينيسترىنىڭ 2015 -جىلعى 30 -ناۋرىزداعى № 227 -بۇيرىعىمەن بەكىتىلگەن مۇلىكتى تاركىلەۋ بولىگىندە قىلمىستىق ءىس بويىنشا سوت ۇكىمى نەگىزىندە نە مۇلىكتى مەملەكەتكە بەرۋ تۋرالى شەشىم نەگىزىندە تىيىم سالىنعان مۇلىكتى وتكىزۋ نەمەسە پايدالانۋ قاعيدالارى).
قازىرگى ۋاقىتتا نقا جوباسى مۇددەلى مەملەكەتتىك ورگاندارمەن كەلىسىلىپ جاتىر.
جاقىن ارادا اتالعان بۇيرىق قابىلدانعاننان كەيىن مەملەكەتتىك زاڭدى تۇلعالاردىڭ تەڭگەرىمىنە ۇسىنۋعا جاتپايتىن تاركىلەنگەن مۇلىكتىڭ ءتىزىلىمى بولادى.
بۇل تىزىلىمگە ەنگەن تاركىلەنگەن مۇلىك باعالاۋدان كەيىن ساتۋعا قويىلادى.
«سونىمەن قاتار، ينتەرنەت جۇيەسىندە E- Qazyna.kz پورتالىنداعى ەلەكتروندى ساۋدا الاڭىندا جۇرگىزىلەتىن تاركىلەنگەن مۇلىكتى اۋكتسيوندا ساتۋعا بەلسەندى قاتىسۋعا شاقىرامىز» دەيدى كوميتەتتەن.
