فرانسيادا جاپپاي تارتىپسىزدىك توقتادى ما

بۇل تۋرالى ۆەدومستۆو باسشىسى جەرالد دارمانەن پارلامەنتتىڭ جوعارعى پالاتاسىنىڭ سايتىندا كورسەتىلگەن سەنات تىڭدالىمىندا مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«ءبىز فرانسيا اۋماعىندا تىنىشتىق ورناعانىن تىركەدىك» ، - دەدى دارمانەن. سونداي-اق، ول ءى ءى م بۇرىنعىشا جوعارى موبيليزاتسيا رەجيمىندە ەكەنىن اتاپ ءوتتى.

«جاقىن كۇندەرى جاعداي قالاي بولارىن مۇقيات باقىلاپ وتىرۋ كەرەك»، - دەپ ەسەپتەيدى دارمانەن.

فرانسيا پرەمەر-ءمينيسترى ەليزابەت بورن جاعداي تۇراقتالا باستاعانىن ايتتى.

«جاعداي بىرتىندەپ قالپىنا كەلىپ جاتىر»، - دەدى بورن سەناتتا سويلەگەن ءسوزى كەزىندە. ول سەناتورلاردى ەلدەگى تىنىشتىقتى قالپىنا كەلتىرۋ شارالارىنان حاباردار ەتتى.

بۇعان دەيىن جاعدايدىڭ تۇراقتالعانىن جانە كەشكى ۋاقىتتا كولىك قوزعالىسىنا قويىلعان شەكتەۋ الىنعانىن Twitter-دە كولىككە جاۋاپ بەرەتىن مينيستر- دەلەگات كلەمان بون مالىمدەگەن بولاتىن.

27-ماۋسىمنان 28 ىنە قاراعان ءتۇنى نانتەرە مەن پاريج ماڭىنداعى باسقا دا قالالاردا جاستاردىڭ پوليتسيامەن قاقتىعىسى باستالدى. نارازىلىققا شىققاندار پوليتسيانى شەكتەن تىس كۇش قولداندى جانە قىزمەتىن اسىرا پايدالاندى دەپ ايىپتادى. دەمالىس كۇندەرى نارازىلىق فرانسيانىڭ باسقا دا قالالارى - مارسەل، ليون، ستراسبۋرگتە جالعاستى. بۇدان بولەك قاقتىعىستار كورشىلەس بەلگيا مەن شۆەيتساريادا دا بولدى.

ەسكە سالساق، فرانسيادا جاس ءوسپىرىم ولىمىنەن كەيىنگى ەرەۋىلدە ۇستالعاندار سانى 421 جەتكەن بولاتىن. مۇنان سوڭ 470 تەن استام ادام ۇستالعانى تۋرالى ايتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى