ەلورداداعى اقبۇلاق وزەنىنىڭ جاعالاۋى سالتاناتتى تۇردە اشىلدى - فوتو
«الاتاۋ» سپورت سارايىنىڭ جانىنداعى الاڭدا كونسەرتتىك باعدارلاما ۇيىمداستىرىلدى، ال انيماتورلار كىشكەنتاي بۇلدىرشىندەردىڭ كوڭىلىن كوتەردى.
«مۇنداي ءىس-شارالاردىڭ اشىق اسپان استىندا وتكەنى كەرەمەت. ءبىز جاقىن جەردە تۇرامىز. جالپى، ماعان ەلوردا كۇنى ۇنايدى. قالا كۇن ساناپ وزگەرىپ جاتىر، ۇنەمى بولماسا دا، كوپتەگەن قىزىقتى ءىس-شاراعا بارۋعا بولادى»، - دەپ وي ءبولىستى استانالىق الەكساندرا فەوكتيستوۆا.
ءىس-شارانىڭ ەرەكشەلىگى - كەز كەلگەن ادام ءوز تىلەگىن بىلدىرە الاتىن العىس تاقتاسى قويىلعان. ۇيىمداستىرۋشىلاردىڭ ايتۋىنشا، بۇل تاقتايعا اتا-اناعا، بالاعا، جۇبايىنا، قالاعا، الەمگە «راقمەت» دەپ جازۋعا بولادى.
«ماعان استانامىزدىڭ بارىنشا كوركەيگەنى ۇنايدى. بۇگىن قالامىزدىڭ 25 جىلدىعى اتالىپ ءوتىپ جاتىر. بۇل مەرەكە بالالار مەن ەرەسەكتەرگە ەرەكشە كوڭىل- كۇي سىيلايدى، ال جاعالاۋ ماڭايى ايتارلىقتاي وزگەردى»، - دەيدى قالا تۇرعىنى ارمان كەڭەسوۆ.
سونداي-اق، بايقوڭىر اۋدانىندا وتكەن ءىس-شارادا مەسەناتتار الەۋمەتتىك وسال توپتاردىڭ بالالارىنا ماۋسىمدىق كيىم ساتىپ الۋعا سەرتيفيكاتتارىن تابىستادى.
ايتا كەتەيىك، بيىل اقبۇلاق وزەنىنىڭ جاعاسىندا اممان كوشەسىنەن تاۋەلسىزدىك داڭعىلىنا دەيىن اسفالت توسەلدى، بالالار ويىن الاڭى مەن workout-ايماقتار، كوپىر استىنداعى جاياۋ جۇرگىنشىلەر وتكەلى جابدىقتالدى. سونداي-اق، مۇندا 25 تەن استام ورىندىق پەن قوقىس تاستايتىن جاشىكتەر، 20 دان استام جارىقتاندىرۋ تىرەگى ورناتىلىپ، 90 نان استام اعاش وتىرعىزىلدى.
