وسكەمەندە بۇگىننەن باستاپ ترامۆايلار توقتايدى

قالالىق جولاۋشىلار تاسىمالىن باسقارۋ ورتالىعىنىڭ مالىمەتىنە سۇيەنسەك، جوندەۋ جۇمىستارىنا بايلانىستى 6-شىلدەدەن باستاپ ترامۆاي قوزعالىسى توقتاتىلدى.

«قازاقستان» كوشەسىندەگى رەلستەردى اۋىستىرۋ جۇمىستارى جۇرگىزىلمەك. سوندىقتان، ترامۆايلاردىڭ ورنىنا قوسىمشا اۆتوبۋستار شىعارىلادى. «وسكەمەن بەكەتى- زاشيتا» باعىتىندا №15-اۆتوبۋس جۇرەدى. ونىڭ قوزعالىسىن Oskemenbus موبيلدى قوسىمشاسىنان باقىلاپ وتىرۋعا بولادى»، - دەلىنگەن اقپاراتتا.

ترامۆاي جولدارىن جوندەۋ جۇمىستارى شامامەن ءبىر اپتاعا سوزىلادى دەپ جوسپارلانعان. سونىمەن قاتار، تاسىمالداۋشىلار «قازاقستان» كوشەسىنىڭ بويىمەن جۇرەتىن №26، اباي داڭعىلىندا جۇرەتىن №67 جانە №6-اۆتوبۋستارىنىڭ سانىن ارتتىرماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى