اتىراۋداعى تەڭىز كەن ورنىندا قۇرىلىس جۇمىستارى قۇس ۇياسىنا بايلانىستى توقتاتىلعان
«تەڭىزشەۆرويل» ج ش س باسپا ءسوز قىزمەتىنىڭ مالىمەتىنشە، تەڭىز كەنىشىندەگى كەلەشەك كەڭەيۋ جوباسى اياقتالۋعا جاقىن. سوعان بايلانىستى ءۇشىنشى بۋىن زاۋىتىنىڭ قۇرىلىس الاڭىنداعى كەيبىر نىساندار بۇزىلىپ، ورنى تازارتىلىپ جاتىر.
«الايدا، نىساننىڭ بىرىنەن قۇس ۇياسى تابىلدى. ۇيادا ءالى قاناتتانباعان بالاپاندار بولدى. سوعان بايلانىستى جۇمىسشىلار بۇزۋ جۇمىستارىن ەكى اپتاعا توقتاتتى. كومپانيا ەكولوگتەرى بالاپانداردىڭ قاۋىپسىزدىگى ءۇشىن ۇيانىڭ اينالاسىن 10-15 مەتر راديۋستا قورشادى. جۇمىسشىلار كىشكەنتاي بالاپانداردىڭ قاناتتانىپ، ۇشىپ كەتكەنشە شىدامدىلىق تانىتتى. كەشە، 5-شىلدەدە بالاپاندار ۇياسىنان ۇشىپ كەتتى»، - دەپ حابارلادى كومپانيانىڭ باسپا ءسوز قىزمەتى.
ەسكە سالا كەتەلىك، بۇعان دەيىن كاسپي قۇبىر كونسورتسيۋمى تەڭىز مۇنايىن تاسىمالداۋدى قايتا باستاعانىن حابارلاعان بولاتىنبىز. كاسپي قۇبىر كونسورتسيۋمىنىڭ باسپا ءسوز قىزمەتىنەن ءمالىم ەتكەندەي، ماڭعىستاۋ مەن اتىراۋ وبلىسىنىڭ ەلەكتر جەلىسىندەگى اقاۋدان كەيىن ك ق ك-نىڭ مۇناي ايداۋ ستانتسيالارى اپاتتى تۇردە اجىراتىلعان. قازىر ك ق ك-نىڭ ەنەرگيامەن جابدىقتاۋ جۇيەسىندەگى كەرنەۋ تۇراقتاندى.
«تەڭىز جانە اتىراۋ مۇناي ايداۋ ستانتسيالارى قايتا ىسكە قوسىلدى. كونسورتسيۋم اتىراۋ وبلىسىنداعى تەڭىز كەن ورنىنان مۇناي قابىلداۋدى قايتا باستادى. مۇناي قۇبىرىنا شيكىزات نەگىزىنەن باتىس قازاقستانداعى كەن ورىندارىنان قابىلدانادى. قۇبىرداعى مۇناي قارا تەڭىزدەگى نوۆوروسسييسك پورتىنا تاياۋ ورنالاسقان وڭتۇستىك وزەرەيەۆكا اۋىلىنداعى تەرمينعا دەيىن جەتكىزىلەدى. كەيىن الەمدىك نارىققا جونەلتۋ ءۇشىن تانكەرلەرگە تيەلەدى»، - دەپ حابارلادى كونسورتسيۋمنىڭ باسپا ءسوز قىزمەتىنەن.
