بۇگىن كەشكە استانا اسپانىندا شوۋ كورسەتىلمەك
«تۋعان كۇنىڭمەن، استانا!
ەلوردا اكىمدىگىنىڭ قولداۋىمەن، شىعارماشىلىق توپ، كاسىبي ۇشقىشتار جانە انيماتسيالىق سۋرەتشىلەرمەن بىرگە استانا تۇرعىندارى مەن قوناقتارى ءۇشىن مەرەكەلىك توسىن سىي ازىرلەدىك.
بۇل ناعىز اۋەدەگى سيقىر بولماق!
درون- شوۋ - اسەرلى قويىلىم، زاماناۋي ونەر مەن تەحنولوگيالاردىڭ بىرلەسۋى.
بارشاڭىزعا مەرەكە قۇتتى بولسىن! بەيبىتشىلىك پەن جاقسىلىق تىلەيمىز!
بۇگىن كەشكە تاۋەلسىزدىك داڭعىلىنداعى «قازاق ەلى» الاڭىندا كۇتەمىز»، - دەپ جازعان ول.
قالا اكىمدىگىنىڭ رەسمي سايتىندا كورسەتىلگەندەي، شوۋ ساعات 22:30-دا باستالادى. 500 درون تۇنگى اسپاندا ەلوردانىڭ كورنەكتى نىساندارى مەن باسقا دا كەسكىندەردى سۋرەتتەيدى. باعدارلاما شامامەن 12 مينۋتقا سوزىلادى. شوۋ دەمەۋشىلىك قاراجات ەسەبىنەن ۇيىمداستىرىلادى.
ايتا كەتسەك، 1998 -جىلى 6-مامىردا اتاۋى رەسمي تۇردە استانا بولىپ وزگەرگەن ەلوردامىزعا بيىل 25 جىل تولدى. ءيا، ءبىر كەزدەگى تىڭ يگەرۋشىلەر قالاسىنان تاۋەلسىزدىك نىشانىنا اينالعان باس قالانىڭ وسىدان 25 جىل بۇرىن تۇساۋى كەسىلىپ، حالىقارالىق تانىستىرىلىمى وتكەن. ەسكە سالساق، بۇگىن ەلوردادا ءبىرقاتار مەرەكەلىك شارا وتەدى.
