ءجۇرسىن ەرماننىڭ ورنىن كىم باسادى: تانىمال اقىن ايتىستىڭ تىزگىنىن كىم ۇستايتىنىن ءمالىم ەتتى
«جارتى جىلداي بولدى، ءجۇرسىن اعامىزدىڭ ورنىنا ايتىستى امانجول التايەۆ اعامىز جۇرگىزىپ ءجۇر. ءوزى ۇيىمداستىرىپ ءجۇر. قارجى ماسەلەسىن، ءبارىن امانجول اعا شەشىپ ءجۇر قازىر. امانجول اعا ايتىستى اتى بار ازامات. كەيىن ەندى ايتىستى قويىپ، شىعارماشىلىققا، عىلىمعا كوڭىل ءبولىپ، قازىر ۇلكەن بيلىكتىڭ دە تىزگىنىن ۇستاپ وتىر. جالپى ايتىستىڭ جۇرگىزۋشىسى، ايتىستى الىپ جۇرەتىن ادامنىڭ قولىندا بيلىك بولعانى جاقسى. بىرىنشىدەن - نازار اۋدارتۋ، ەكىنشىدەن - اقىنداردىڭ قام- حارەكەتىن دۇرىستاتۋ. ودان كەيىن تالاپ ەتە الاتىنداي ونىڭ اۋزى دا، بەت-كەلبەتى دە دۋالى بولۋى كەرەك. امانجول اعامىز سوعان ساي دەپ ايتا الامىن. سودان كەيىن رينات زايىتوۆتى ايتىستىڭ تىزگىنىن ۇستايتىن ازامات دەپ ەسەپتەيمىن، جالپى. بيلىكتە قانشا بولاتىنىن بىلمەيمىن. ويتكەنى ريناتتىڭ ىشكى ادىلدىگى بار. ءوزى دە شىرىلداتىپ شىندىقتى ايتقان. ءوزىنىڭ جارقىراپ كورىنگەن كەزى بولدى. اياقتان شالۋدى دا باسىنان وتكەردى. امانجول اعا مەن ريناتتان ايتىستىڭ بولاشاعىن، جۇرگىزۋىن، جۇگىن ارقالاۋىن ەلەستەتە الامىن. ءجۇرسىن اعانىڭ قازىر ايتىستى جۇرگىزەتىندەي شاماسى بولماي ءجۇر. الداعى ايتىستى امانجول اعا جۇرگىزەدى. سەمەيدەگى ايتىستى رينات جۇرگىزەدى. اقىرىنداپ انىقتالىپ جاتقان سياقتى»، - دەدى رۇستەم قايىرتاي ۇلى.
