تۇرمىسقا شىقپاس بۇرىن ءبىلۋ كەرەك نارسەلەر
بۇل ەكى جاعدايدا دا تۇرمىسقا شىقپاس بۇرىن ءبىلۋ كەرەك نارسەلەر بار. سەبەبى بۇل پسيحولوگيالىق دايىندىقتى قاجەت ەتەتىن ماڭىزدى شەشىم.
اسىقپاڭىز
كەي قىزدار الەۋمەتتىك قىسىمعا ۇشىراپ، جىلدام تۇرمىسقا شىعۋ كەرەك دەپ ويلايدى. ءبىزدىڭ قوعامدا تۇرمىس قۇرماعان قىزدارعا «ەرەكشە» كوزقاراس بار ەكەنى جانە ولاردى «كارى قىز» دەپ اتايتىنى وتىرىك ەمەس. الايدا باسقانىڭ ويى ءۇشىن كۇيەۋگە شىعۋعا اسىعۋدىڭ قاجەتى جوق. سىزگە ساي كەلمەيتىن، كوزقاراسىڭىزدى بولىسپەيتىن جانە ۇنەمى پروبلەما تۋدىراتىن اداممەن بىرگە بولعاننان گورى جالعىز بولعان ارتىق. ءسىزدى باقىتتى ەتپەيتىن اداممەن ءومىرىڭىزدى بايلانىستىرۋدىڭ قاجەتى جوق. ونىڭ بىركۇنى وزگەرەتىنىنە سەنۋ جانە ۇمىتتەنۋ - ول ءوز- ءوزىڭىزدى الداۋ. قازىر بار پروبلەما، بولاشاقتى جوق بولىپ كەتەدى دەگەنگە ەشكىم كەپىل بەرمەيدى. سوندىقتان وعان كونبەيمىن دەسەڭىز، ارى قاراي جىلجىڭىز.
سەرىگىڭىزدىڭ وتباسى جايلى ويلاڭىز
ءسىز كۇيەۋگە شىققان كەزدە ومىرىڭىزگە جاڭا ادامدى عانا ەمەس، ونىڭ وتباسىن دا كىرگىزەسىز. سول ادامداردى قابىلداۋعا دايىن بولىڭىز، سەبەبى ءسىز بولاشاقتا ولارمەن ارالاساسىز. ءسوزسىز، مۇنداي قارىم-قاتىناستىڭ ءوز ارتىقشىلىقتارى بار: قامقورلىق جانە كومەك. ءبىراق كەيدە سەرىگىڭىزدىڭ وتباسىمەن دۇرىس ەمەس قارىم- قاتىناس ەكەۋىڭىزدىڭ ومىرىنە جاعىمسىز اسەر ەتەدى.
ەگەر ءسىز ونىڭ وتباسىنا ۇناماي قالساڭىز، سول ءۇشىن سۇيىكتىڭىزدەن باس تارتۋدىڭ قاجەتى جوق. ءبىراق بۇل جاعدايدا سەرىگىڭىزبەن وتىرىپ، سويلەسىڭىز، ول سىزدەردىڭ جانە وتباسىنىڭ ءومىرىن ايىرا الۋى جانە ءسىزدى مۇمكىن پروبلەمالاردان قورعاي الۋى كەرەك. ەگەر سەرىگىڭىز ءوز وتباسىنا جانە ونداعى ادامداردىڭ ويىنا تاۋەلدى بولسا، الدىمەن ونىمەن سويلەسىپ كورىڭىز. ەگەر ەش ناتيجە بولماسا، كۇيەۋگە شىعۋ سۇراعىن كەيىنگە قالدىرىڭىز.
جالعىز دا ءوزىڭىزدى جاقسى سەزىنەتىنىڭىزگە كوز جەتكىزىڭىز
ءومىرىڭىزدى بىرەۋمەن بايلانىستىرماس بۇرىن جالعىزدىقتا دا ۋاقىت وتكىزە الاتىنىڭىزعا كوز جەتكىزىڭىز. تولىققاندى ادام سەرىگىنەن الىستا بولعاندا جانە جىلعىز قالعاندا ءوزىن جايلى جانە باقىتتى سەزىنە الادى. ونى سەرىگىڭىزگە دەگەن قىزىعۋشىلىقتىڭ جوقتىعىمەن شاتاستىرۋدىڭ قاجەتى جوق. ەگەر سىزدە ىشكى الەمىڭىزبەن پروبلەما بار بولسا نەمەسە جالعىزدىق قورقىنىشى بولسا، الدىمەن ودان ارىلۋ كەرەك. سەبەبى وتباسىلىق ءومىر ونى ۋشىقتىرىپ، ەموتسيونالدى تاۋەلدىلىككە اكەلۋى مۇمكىن. سوندىقتان ىشكى الەمىڭىزدى باسقامەن بولىسپەس بۇرىن جان- دۇنيەڭىزدەگى پروبلەمالاردى شەشىپ الىڭىز.
سەرىگىڭىزدىڭ بالا جايلى ويىن ءبىلىڭىز
ءار جۇپ ءارتۇرلى. وتباسى قۇرماس بۇرىن نەشە بالا قالايتىندارىڭىزدى ايتۋ مىندەتتى ەمەس. الايدا ەگەر ءسىز نەمەسە سەرىگىڭىز بالا قالاماسا، بۇل جايلى الدىن الا بىلگەن دۇرىس. مىسالى، كەيدە ايەل ادام بالا كوتەرىپ، بوسانعىسى كەلمەيدى. سول سەكىلدى كەي ەر ادامدار بالا قالامايدى. ەگەر ءبىر- ءبىرىڭىزدىڭ مۇنداي شەشىمىنە كەلىسپەسەڭىز، قارىم-قاتىناستى جالعاستىرماي-اق قويعان دۇرىس.
ءبىراز ۋاقىت وتكەننەن كەيىن سەرىگىڭىز قانداي بولاتىنىن ەلەستەتىڭىز
ۋاقىت وتە بارلىق ادام وزگەرەدى. ۋاقىت وتە ادامنىڭ جامان مىنەزى ودان سايىن ناشارلاپ كەتۋى مۇمكىن. كەيدە ادامنىڭ جاقسى قاسيەتتەرى دە ازايىپ كەتەدى. ارينە، جاقسى قاسيەتتەرى ەسەلەنىپ ارتۋى دا مۇمكىن. ونى جوققا شىعارمايمىز. ءتىپتى، ءسىز دە ءتۇرلى وزگەرىستەردەن ءوتۋىڭىز مۇمكىن. سوندىقتان ەگەر سەرىگىڭىزدەن ودان سايىن جامان بولىپ كەتەتىن جاعىمسىز قىلىعىن بايقاساڭىز، مۇنداي وزگەرىسكە دايىن با ەكەنىڭىزدى ويلاڭىز. ارينە، سەرىگىڭىز كيىمدەرىن جيناماي، ىدىس جۋۋعا كومەكتەسپەسە، ودان ءۇي تيرانى شىعادى دەپ قورىقپاڭىز. ءبىراق ونىڭ كەي ارەكەتتەرىنە ىشتەي كەلىسپەسەڭىز جانە ودان سىزدە كۇيزەلىس پايدا بولسا، وندا ويلانۋ كەرەك. باستىسى، وزىڭىزبەن ادال بولىڭىز.
سەرىگىڭىزگە شارشاڭقى، بويانباعان كۇيدە كورىنۋگە دايىن بولىڭىز
وتباسى قۇرۋ - ءوزىڭىزدى جانە سەرىگىڭىزدى قالاي بار سولاي قابىلداۋ. بىرگە ءومىر ءسۇرۋ كەزىندە ءبىر- بىرلەرىڭىزدى جان- دۇنيەڭىز جاعىنان دا، ەستەتيكالىق جاعىنان دا ونشا ەمەس تۇردە كورەتىن ءتۇرلى جاعدايلارعا تاپ بولاسىز. شارشايسىز، اۋىرىپ قالاسىز نەمەسە سالماق قوسىپ الاسىز. مۇنىڭ بارلىعى - تابيعي پروتسەستەر. بۇل سىزدە جانە سەرىگىڭىزدە جيىركەنىش سەزىمىن تۋىنداتپاۋى كەرەك. سىزدەر ءبىر ءبۇتىن بولىپ ءومىر سۇرگەن كەزدە ۇيات دەگەن سەكىلدى تۇسىنىك جوق. ارينە، وتباسىلى بولۋ - جالقاۋلانىپ، وزىڭىزگە كۇتىم جاساماۋ دەگەن ءسوز ەمەس. بۇل جەردە ومىردە ورىن الۋى مۇمكىن قيىن كەزەڭدەردەگى جاعدايلار جايلى ايتىلىپ تۇر. بۇل كەزدە ءبىر- بىرلەرىڭىزگە شىدامدى بولىپ، قولداۋ كورسەتە ءبىلۋ كەرەك.
وزگەرىسكە دايىن بولىڭىز
ومىرلىك سەرىگىڭىزدى تاڭداردا «ونى وزگەرتىپ الامىن» دەگەن ويدان اۋلاق بولىڭىز. دەسە دە، ۇزاق ۋاقىت بىرگە بولۋ ءوزارا كەلىسىمدى قاجەت ەتەدى. ءوز سەرىگىڭىز ءۇشىن وزگەرىستىڭ قاجەت ەكەنىن تۇسىنە بىلگەن دۇرىس. ارينە، ونىڭ كوڭىلىنەن شىعامىن دەپ ءوز دەنساۋلىعىڭىزعا، جان- دۇنيەڭىزگە زارداپ كەلتىرەتىن نارسەلەرگە بارۋدىڭ قاجەتى جوق. ءبىراق كومپروميسس تابا ءبىلۋ ماڭىزدى. قانداي قيىندىققا تاپ بولساڭىز دا، ءوزارا تۇسىنىستىك پەن ءبىر-بىرىڭىزگە دەگەن قۇرمەت قارىم- قاتىناستى قاتايتا تۇسىرەدى.
وتباسىلىق بيۋدجەت
وتباسى بولعاننان كەيىن وتباسىلىق بيۋدجەت سەكىلدى جالىقتىرعىش سۇراقتاردى شەشۋ كەرەك بولادى. ماتەريالدىق سۇراق - تالقىلاۋعا ارنالعان كوڭىلدى نارسە ەمەس، ءبىراق ەكەۋىڭىزگە دە اقشامەن بايلانىستى پروبلەمالاردى شەشۋگە دايىن بولۋلارىڭىز كەرەك. جۇمىستان شىعىپ قالۋ، داعدارىس، بالانىڭ دۇنيەگە كەلۋى - ەكەۋىڭىز بىرگە شەشۋ كەرەك نارسەلەر. ەگەر وزىڭىزدەن جانە سەرىگىڭىزدەن بيۋدجەتىن بولىسكىسى كەلمەيتىنىن بايقاساڭىز، كۇيەۋگە شىعۋ جايلى ءالى دە ويلانۋ كەرەك.
