استانا ءدامحانالارىنا يت ەتىن ساتقان ادام سوتتالدى

بۇرىنعى ۆەتەريناريا قىزمەتكەرى 200 ا ە ك كولەمىندە ايىپپۇل تولەدى، دەپ حابارلايدى قازاقپارات ءتىلشىسى.

اقمولا وبلىسى پوليتسيا دەپارتامەنتىنىڭ باسپا ءسوز قىزمەتىنىڭ مالىمەتىنشە، جانۋارلارعا قاتىگەزدىك جاساۋ تۋرالى قىلمىستىق ءىس 20- اقپاندا تىركەلگەن. بەلگىلى بولعانداي، شورتاندى اۋدانى دامسا اۋىلىنىڭ 41 جاستاعى تۇرعىنى قاڭعىباس يتتەردى اۋلاپ، ەتىن ساتۋمەن اينالىسقان. پوليتسيا ەر ادامنىڭ ءۇيىن ءتىنتۋ كەزىندە 750 كەلى يت ەتىن تاپتى.

پوليتسيانىڭ حابارلاۋىنشا، ەلوردالىق كافەلەردىڭ ءبىرى قاسكۇنەمنەن 150 كەلىگە جۋىق ەت ساتىپ العان، ول ءۇشىن 100 مىڭ تەڭگەدەن استام اقشا تولەگەن.

«پوليتسەيلەر انىقتاعانداي، ەر ادام بۇرىن ۆەتەريناريا قىزمەتىندە جۇمىس ىستەگەن جانە يتتەردى قالاي اتۋعا بولاتىنىن بىلگەن. ءتارتىپ ساقشىلارى كۇدىكتىنى ءتىنتۋ بارىسىندا «ادەلين- سۋپەر» پرەپاراتى بار 26 دروتيك، 190 دروتيك سالىنعان 19 پلاستينا، ينەسى بار شپريتس، تۇتقىش تابىلدى جانە سوتتان كەيىن ءبارى جويىلدى»، - دەپ حابارلادى ۆەدومستۆودان.

سونىمەن بىرگە، پوليتسەيلەر شورتاندى اۋداندىق پوليتسيا ءبولىمى تەرگەۋشىسىنىڭ جەدەل جۇمىسىن اتاپ ءوتتى، ول ءتورت تومدىق ماتەريالدى ەكى اپتا ىشىندە سوتقا جىبەرگەن.

«شورتاندى اۋدانى سوتىنىڭ ۇكىمىمەن ەر ادامعا قاتىستى 200 ا ە ك، ياعني 690000 تەڭگە كولەمىندە ايىپپۇل تۇرىندە جازا تاعايىندالدى. قازىرگى ۋاقىتتا بۇل ايىپپۇل تولەندى. ازاماتتارعا زاڭسىز اتۋعا جانە جانۋارلارعا قاتىگەزدىكپەن قاراۋعا زاڭمەن تىيىم سالىنعانىن ەسكە سالامىز»، - دەپ تۇيىندەدى پوليتسيا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى