الماتى اۆتوبۋستارىندا جول ءجۇرۋ اقىسى قىمباتتاي ما
قاۋلى جوباسىنا سايكەس الماتىدا جولاۋشىلار كولىگىندەگى تاريفتەردى قايتا قاراۋ جانە ولاردى قولما- قول اقشاسىز تولەۋ كەزىندە 100 تەڭگە جانە قولما- قول اقشامەن 200 تەڭگە مولشەرىندە بەلگىلەۋ ۇسىنىلدى. قازىر جولاقىسى تيىسىنشە 80 تەڭگە جانە 150 تەڭگەگە تەڭ. وسىلايشا، تولەم ادىسىنە بايلانىستى جول ءجۇرۋ قۇنى %25-33 عا وسەدى.
الماتى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ بۇگىندە قالاداعى قوعامدىق كولىكتەردە جول ءجۇرۋ اقىسى قولما- قول اقشاسىز تولەم ادىسىمەن تولەنگەن كەزدە 80 تەڭگە ەكەنىن ءتۇسىندىردى. تاريف 2012 -جىلدان بەرى وزگەرمەگەن.
«سوڭعى 11 -جىلدا تاسىمالداۋشىلار كوتەرەتىن شىعىستاردىڭ بارلىق باپتارى بويىنشا قۇن ايتارلىقتاي ءوستى. مىسالى، ديزەل وتىنىنىڭ قۇنى 90 تەڭگە بولدى، ال بۇگىنگى كۇنى 295 تەڭگەگە (+328%) تەڭ، گازدىڭ قۇنى 33 تەڭگەنى ەدى، ال بۇگىنگى كۇنى 108 تەڭگە (+327%) مولشەرىندە بەلگىلەنگەن. اۆتوبۋستاردىڭ قۇنىن قوسا العاندا، قالعان شىعىندار بويىنشا دا وسىنداي جاعداي. بۇل شىعىندار تاسىمالداۋشىلاردىڭ شىعىندارىن سۋبسيديالاۋ كولەمىنە تىكەلەي اسەر ەتەدى» ، - دەدى ول.
ايتۋىنشا، 2017 -جىلدان باستاپ 2022 -جىلعا دەيىن سۋبسيديالار كولەمى 13,8 ەسە - 6,9 ميلليارد تەڭگەدەن 50 ميلليارد تەڭگەگە دەيىن ءوستى.
«بيىل سۋبسيديالاۋدىڭ بولجامدى كولەمى - بەكىتىلگەن تاريفكە سايكەس شامامەن 85,5 ميلليارد تەڭگە. وسىلايشا، قوعامدىق كولىكتەگى تاريفتىڭ قولدانىستاعى قۇنى ساقتالعان جاعدايدا سۋبسيديالاۋ مولشەرى جىلدان- جىلعا ۇلعاياتىن بولادى، بۇل جەرگىلىكتى بيۋدجەتكە ۇلكەن جۇكتەمە تۇسىرەدى»، - دەپ ءتۇسىندىردى ول.
ەسەپتەۋ ادىستەمەسىنە سايكەس قوعامدىق كولىكتە ورتاشا قۇن بيىل 425 تەڭگەگە وسەتىنىن ايتىلدى.
«وسىعان بايلانىستى 2023 -جىلى تاريفتىڭ قۇنىن قايتا قاراۋدىڭ شۇعىل قاجەتتىلىگى تۋىندايدى. قولما- قول اقشاسىز تولەۋ كەزىندە 100 تەڭگە جانە قولما- قول تولەۋ كەزىندە 200 تەڭگە مولشەرىندە بەلگىلەنسىن. مۇنداي جاعدايدا سۋبسيديالاۋدىڭ بولجامدى كولەمى 2023 -جىلى 10 ميلليارد تەڭگەگە قىسقارادى»، - دەپ اتاپ ءوتتى باسقارما باسشىسى.
قۇجاتتا كورسەتىلگەندەي، استانادا تاريفتىڭ قۇنى - 90 تەڭگە جانە 180 تەڭگە، ش ق و- دا - 90 تەڭگە جانە 130 تەڭگە، جامبىل وبلىسىندا - 85 تەڭگە جانە 130 تەڭگە، قوستاناي وبلىسىندا - 100 تەڭگە جانە 170 تەڭگە مولشەرىندە بەلگىلەنگەن.
قۇجات 21 - شىلدەگە دەيىن «اشىق ن ق ا» پورتالىندا جاريا تالقىلاۋدا بولادى. قاۋلى رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ قولدانىسقا ەنگىزىلەدى.
