جامبىل وبلىسىندا ەلەكترلى قارماقپەن بالىق اۋلاعان براكونەرلەر ۇستالدى

بايزاق اۋداندىق پوليتسيا ءبولىمى تابيعاتتى قورعاۋ توبىنىڭ قىزمەتكەرلەرى اقجار اۋىلىنداعى تالاس وزەنىنىڭ ماڭىندا «Volkswagen Golf» ماركالى اۆتوكولىگىن توقتاتادى. تەكسەرۋ كەزىندە اۆتوكولىكتىڭ باگاجى مەن سالونىنان جالپى سالماعى شامامەن 20 كەلى بولاتىن بالىق سالىنعان قاپشىق، رەزەڭكە قايىق، بالىق اۋلاۋ قۇرالدارى، تەرەڭ مەتالل تور، ەلەكتر سىمدارى، ەلەكترلى قارماق اپپاراتى، اككۋمۋلياتور تابىلادى.

«اتالعان دەرەك بويىنشا ق ر قىلمىستىق كودەكسىنىڭ 335-بابى 3-بولىگى، ياعني بالىق رەسۋرستارىن، باسقا دا سۋ جانۋارلارىن نەمەسە وسىمدىكتەردى زاڭسىز ءوندىرۋ بويىنشا سوتقا دەيىنگى تەرگەۋ امالدارى باستالدى. ءتيىستى ساراپتامالار تاعايىندالدى. قازىرگى ۋاقىتتا ءىستىڭ ەگجەي- تەگجەيلى ءمان- جايلارىن انىقتاۋ ءۇشىن بارلىق قاجەتتى تەرگەۋ- جەدەل ءىس- شارالارى جۇرگىزىلىپ جاتىر»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.

جامبىل وبلىسىنىڭ پوليتسيا دەپارتامەنتى ەلەكترلى قارماقپەن بالىق اۋلاۋ زاڭسىز ەكەنىن جانە مۇلدەم تىيىم سالىنعانىن ەسكەرتەدى. مۇنداي قۇرالمەن بالىق اۋلاۋ - براكونەرلىك قىلمىس. ەلەكترلى قارماقتى قولدانۋدىڭ زيانى وراسان زور، تەك بالىق رەسۋرستارىن عانا ەمەس، سونىمەن بىرگە توعانداعى باسقا دا سۋ جانۋارلارى جويىلادى. ەلەكترلى قارماقتى ءبىر رەت قولدانعاننان كەيىن سۋ قويماسىنىڭ قالپىنا كەلۋى ۇزاق ۋاقىتتى الادى.

بۇعان دەيىن جامبىل وبلىسىندا پوليتسەيلەر 250 دەن استام قارۋ تاركىلەگەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى