بۋرابايدا داۋىل تۇرىپ، سۋدان ەكى شەتەلدىك قۇتقارىلدى
اكەسى مەن بالاسى بۋراباي كولىندە SUP- تاقتاسىنان اۋدارىلىپ كەتكەن. تۋريستەردى جەرگىلىكتى قۇتقارۋشىلار قۇتقارىپ، جاعاعا جەتكىزدى.
بۋراباي اۋدانىندا كۇن رايى قۇبىلمالى بولاتىنى جاڭالىق ەمەس.
كەشە تابيعات توسىن مىنەزىن تاعى كورسەتىپ، كولدە كەنەتتەن داۋىل كوتەرىلدى. ۇلكەن تولقىنداردىڭ سالدارىنان ەكى ادام مىنگەن تاقتا اۋدارىلىپ كەتكەن. ەكى تۋريست قۇتقارۋ كەۋدەشەلەرىنىڭ ارقاسىندا امان قالدى. ءبىراق جوعارى تولقىندار ولاردىڭ تاقتاعا قايتا كوتەرىلۋىنە مۇمكىندىك بەرمەدى. 10 جاسار ۇلىن تولقىن الىپ كەتپەۋ ءۇشىن اكەسى تاقتايدان مىقتاپ ۇستاپ تۇرعان. وسى ساتتە كولدى كوزبەن شولىپ تەكسەرۋ كەزىندە قۇتقارۋشىلار جاعدايدى بايقاپ، كومەككە اسىققان.
«ءبىز ولاردى جاعاعا شىعاردىق. بالا قاتتى قورقىپ كەتتى، ءبىز وعان پسيحولوگيالىق كومەك كورسەتتىك جانە 15 مينۋتتان كەيىن ول ەسىن جيدى. كومەك كورسەتكەن سوڭ سۋ ايدىنىن تاعى اينالىپ وتتىك. ومىرلەرىنە قاۋىپ ءتونىپ تۇرسا دا، داۋىل مەن تولقىنعا قاراماستان، ادامدار كاتاماراندارمەن ءجۇزۋدى جالعاستىرعان. ءبىز توتەنشە جاعدايلاردى بولدىرماۋ ءۇشىن بارلىق دەمالۋشىلاردى جاعاعا قايتاردىق»، - دەدى بۋراباي قۇتقارۋ بولىمشەسىنىڭ باس قۇتقارۋشىسى اندرەي جۋكوۆ.
