رەسپۋبليكالىق بايقاۋدا اقىن ۇمتىل زارىققان باس جۇلدەنى جەڭىپ الدى

باس جۇلدە «ۇلىتاۋ ازانى» شىعارماسىنىڭ اۆتورى، جازۋشى ۇمتىل زارىققانعا بۇيىرسا، فايزۋللا ءتولتاي («دالا قۇدايلارىمەن قوسىپ جوشىنى جەرلەۋ»)، اسەل وسپان («التىن شوقى باسىنان تابىلعان تاس…»)، تولەگەن مەللات («ۇيىق»)، داۋرەنبەك بۇلانبايەۆ («تامىرى بار تاستىڭ دا…»)، اسكەرحان اقتاي («ۇلىتاۋ تاۋىڭ - اڭىز تاسىڭ- ابىز…») ارنايى گرانتقا يە بولدى.

ەستەرىڭىزگە سالا كەتەيىك، بايقاۋدىڭ سۋرەتشىلەرگە ارنالعان 2-كەزەڭى وسى جىلعى 2-شىلدە مەن 7-تامىز ارالىعىندا وتەدى.

وسى ورايدا، وقىرمانعا بايقاۋ جەڭىمپازىن تانىستىرا كەتەيىك.

ۇمتىل زارىققان 1987 -جىلى 26-جەلتوقساندا التاي ايماعى قابا اۋدانىندا دۇنيەگە كەلگەن. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى فيلولوگيا فاكۋلتەتىنىڭ تۇلەگى. «بوز جۋسان ءبۇر جارعاندا»، «قوڭىر كولەڭكە جىر» كىتاپتارىنىڭ اۆتورى. «التىن توبىلعى» ادەبي سىيلىعىنىڭ لاۋرەاتى. قازاقستان جازۋشىلار وداعىنىڭ مۇشەسى.

جاس اقىننىڭ شەرلى، شىمىر، ءورشىل جىرلارىندا ەل مەن جەر، ادام، تاعدىرى، ماحاببات، ساعىنىش تۋراسىنداعى تۇنىق تا ءمولدىر سەزىمدەر كورىنىس تاپقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى