تۇركىستانعا كەلىن بولعان كارىس قىزى يسلام ءدىنىن قابىلدادى - ۆيدەو
تۇلكىباس اۋدانى امانگەلدى اۋىلىنداعى قازاق وتباسىنا كەلىن بولىپ تۇسكەن كارىس قىزى يسلام ءدىنىن قابىلداپ، قازاقتىڭ سالتىمەن بەتاشار ءراسىمى وتكەن.
«كورەيادا مەن بەسىنشى قاباتتا، ول ەكىنشى قاباتتا تۇردى. دوس بالا، ونىڭ ايەلى بار. تاماق ءىشىپ وتىرعان كەزدە بىزگە كەلىپ، ارالاسىپ، تانىسىپ كەتتىك. ارى قاراي كەزدەسىپ جۇردىك. 2-3 اي وتكەننەن كەيىن اناممەن ارالاسىپ، اپكەلەرىممەن تانىستى»، - دەيدى كارىس قىزىن جار ەتكەن ساكەن.
«تۇركىستان» تەلەارناسىنىڭ حابارلاۋىنشا، ءازىر جاس كەلىن قازاق ءتىلىن ۇيرەنىپ ءجۇر. باسىندا ساكەننىڭ اتا-اناسى قاتتى ۋايىمداعانمەن، قازىر ءتىل تابىسىپ ۇيرەنگەن. جاس كەلىن ازىرگە سالەمدەسىپ، اتا-ەنەسىن شايعا شاقىرۋدى عانا بىلەدى. كەلىندىك مىندەتىن اتقارىپ، ۇلكەندەردىڭ اق باتاسىن الىپ ءجۇر.
