ازاماتتارعا ارنالعان ۇكىمەت نەكە جانە تۋۋ تۋرالى العاشقى كۋالىكتى تابىستادى
الماتى قالاسىنىڭ اۋداندىق ا ح ا ج بولىمدەرىندە استانا كۇنىنە، سونداي- اق ا ح ا ج فۋنكسيالارىن «ازاماتتارعا ارنالعان ۇكىمەت» مەملەكەتتىك كورپوراتسياسىنا وتۋىنە وراي ءىس- شارا ۇيىمداستىرىلدى. فيليال ديرەكتورىنىڭ ورىنباسارى فاريدا بوكيجانوۆا العاشقى نەكە جانە بالانىڭ تۋۋ تۋرالى كۋالىگىن الۋشىلاردى قۇتتىقتاپ، ولارعا مەملەكەتتىك كورپوراتسيا اتىنان ەستەلىك سىيلىقتار تابىس ەتتى.
«بۇگىن المالى جانە مەدەۋ اۋدانىنىڭ ا ح ا ج بولىمدەرىندە جاس جۇبايلار مەن ءسابيلى بولعان اتا- انالاردى قۇتتىقتادىق. ولار مەملەكەتتىك كورپوراتسيانىڭ ەلتاڭبالى ءمورى قويىلعان نەكە جانە بالانىڭ تۋۋ تۋرالى العاشقى كۋالىگىنىڭ يەگەرلەرى اتاندى. سونداي- اق جاس جۇبايلارعا گۇل شوقتارى مەن جاڭا تۋعان نارەستەلەرگە جۇمساق ويىنشىقتار تابىستالدى. وسىلايشا، بۇگىن ونداعان قالا تۇرعىندارىنىڭ وتباسىلىق تاريحى تاعى ءبىر قىزىقتى وقيعامەن تولىقتىرىلدى»، - دەدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالى ديرەكتورىنىڭ ورىنباسارى فاريدا بوكيجانوۆا.
ونىڭ ايۋىنشا، ا ح ا ج فۋنكسيالارىنىڭ اۋىسۋىنان قىزمەت الۋ ءتارتىبى وزگەرگەن جوق. نەكەگە تۇرۋ ءۇشىن ءوتىنىش بۇرىنعىسىنشا ەلەكتروندىق ۇكىمەتتىڭ e-gov. kz. ۆەب- پورتالى ارقىلى ەلەكتروندى تۇردە بەرىلەدى. قالاۋىڭىز بويىنشا نەكە قيۋدى سالتاناتتى جاعدايدا وتكىزۋگە بولادى.
«ەستەرىڭىزگە سالا كەتەيىك، ا ح ا ج قىزمەتتەرىن تەك تىركەۋشى ورگاننىڭ قىزمەتكەرلەرى عانا كورسەتەتىن بولادى. قولدانىستاعى مەملەكەتتىك قىزمەتتەر ستاندارتتارى، قىزمەت كورسەتۋ ءتارتىبى مەن مەرزىمدەرى دە ادەتتەگىدەي. ا ح ا ج- دىڭ بارلىق الەۋمەتتىك ماڭىزدى قىزمەتتەرى (تۋۋ جانە ءولىمدى مەملەكەتتىك تىركەۋ) تەگىن. اقىلى قىزمەتتەر قوسىلعان قۇن سالىعىن ەسكەرە وتىرىپ ەسەپتەلەدى»، - دەدى ول.
ايتا كەتەيىك، ا ح ا ج ورگانداردىڭ فۋنكسيالارى 1-شىلدەدەن باستاپ «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامىنا بەرىلدى.
اۆتور:
الما مۇقانوۆا
