ا ق ش تاۋەلسىزدىك كۇنىن اتاپ ءوتتى

وسىدان 247 جىل بۇرىن توماس دجەففەرسون ا ق ش- تىڭ تاۋەلسىزدىك دەكلاراتسياسىنا قول قويدى. وندا سولتۇستىك امەريكا ۇلى بريتانيانىڭ وتارىنان شىعىپ، دەربەس مەملەكەت بولعانى جاريالانادى. قۇجاتتى كونگرەسس شىلدەنىڭ 4- ءى قابىلدايدى. بۇل كۇن 1941-جىلدان بەرى ۇلتتىق مەرەكە بولىپ سانالادى.

بۇگىن ا ق ش- تا ميلليونداعان امەريكالىق تاۋەلسىزدىك كۇنىنە ارنالعان سالتاناتتى شەرۋگە قاتىستى. ەل استاناسى ۆاشينكتوندا دا مەرەكەگە ەرەكشە ءمان بەرەدى. مىڭداعان ادام ا ق ش تۋىنىڭ تۇسىندەي قىزىل، اق، كوكشىل ءتۇستى كيىم كيىپ، ءان سالادى. ەلگە دەگەن قۇرمەت، ماقتانىش سەزىمدەرىن ءبىلدىرىپ، پاتريوتتىق ءان شىرقايدى.

كەرلي، شەرۋگە قاتىسۋشى:

- وسى شەرۋگە قاتىسىپ، ەلىمنىڭ ءبىر بولشەگى رەتىندە ءوزىمنىڭ قولداۋىمدى كورسەتكىم كەلدى. مەن ءۇشىن وتە ماڭىزدى كۇن.

دەنني، ۆاشينگتون تۇرعىنى:

- بۇگىن - سونداي راقاتتاناتىن كۇن. قانشاما ءتۇرلى مادەنيەتتى كورەمىن. بارلىعى ادەمى بولىپ ءجۇر.

امەريكالىقتار تاۋەلسىزدىك مەرەكەسىن وتباسىمەن تويلايدى. تابيعات اياسىندا تاماق ىستەپ، حود- دوگقا ابدەن تويادى. ۇلتتىق حود-دوگ جانە شۇجىق كەڭەسىنىڭ مالىمەتى بويىنشا 4 -شىلدەدە 150 ميلليون حوت-دوگ جەلىنەدى ەكەن. بولشەك ساۋدا فەدەراتسياسىنىڭ دەرەگىنشە، مەرەكە كۇنى امەريكالىقتار 7,1 ميلليارد دوللار ازىق- تۇلىككە جۇمسايدى. وتشاشۋ تاۋەلسىزدىك مەرەكەسىنىڭ ماڭىزدى بولىگى سانالادى. ءبىراق جىل سايىن پيروتەحنيكادان مىڭداعان امەريكالىق جاراقات الادى. تۇتىنۋ تاۋارلارىنىڭ قاۋىپسىزدىگى جونىندەگى كوميسسيا وتكەن جىلى وتشاشۋدان 11 ادام قايتىس بولىپ، 10200 تۇرعىن زارداپ شەككەنىن حابارلادى. كوبىنە كۇيىپ قالعاندار بالالار ەكەن. ءبىر قىزىعى، شىلدەنىڭ 4- ءى - امەريكالىقتار ءۇشىن تىلسىمعا تولى كۇن. ءدال وسى داتادا ا ق ش- تىڭ ەكىنشى، ءۇشىنشى جانە بەسىنشى پرەزيدەندتتەرى (دجون ادامس، توماس دجەففەرسون، دجەيمس مونرو) قايتىس بولعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى