پرەزيدەنت «كاسىپتىك بىلىكتىلىك تۋرالى» زاڭعا قول قويدى
سونداي- اق، مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپتىك بىلىكتىلىك، مەملەكەتتىك ناگرادالار، الەۋمەتتىك قامسىزداندىرۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
زاڭدار ءماتىنى باسپا سوزدە جاريالانادى.
ايتا كەتسەك، 14- ماۋسىم كۇنى ءماجىلىستىڭ جالپى وتىرىسىندا «كاسىپتىك بىلىكتىلىك تۋرالى» زاڭ مەن ىلىسپە قۇجات ەكىنشى وقىلىمدا قارالىپ، قابىلدانعان بولاتىن.
«كاسىپتىك بىلىكتىلىك تۋرالى» زاڭ جوباسىنىڭ نەگىزگى ماقساتى - ازاماتتاردىڭ كاسىپتىك دارەجەسىن تانۋ تارتىبىمەن بايلانىستى قوعامدىق قاتىناستاردى كەشەندى رەتتەۋدىڭ ءتيىمدى قۇقىقتىق نەگىزىن قالىپتاستىرۋ. زاڭ جوباسىندا كاسىپتىك دەڭگەيىن تانۋ ارقىلى ەڭبەك نارىعىن رەتتەۋ تەتىكتەرىن جۇيەگە كەلتىرۋگە باعىتتالعان ۇلتتىق بىلىكتىلىك جۇيەسى العاش رەت ەنگىزىلمەك. كاسىپتىك بىلىكتىلىكتى جۇزەگە اسىراتىن سالالىق مەملەكەتتىك ورگاندار، سالالىق كەڭەستەر جانە ۋاكىلەتتى ورگان ەڭبەك جانە حالىقتى الەۋمەتتىك قورعاۋ مينيسترلىگىنىڭ كەلىسىمىمەن كاسىپتىك ستاندارتتاردى بەكىتەدى. ازاماتتاردىڭ كاسىپتىك دەڭگەيىن تانۋ ءۇشىن ولاردىڭ قۇزىرەتتەرىن راستايتىن سەرتيفيكاتتار بەرۋدى بىلىكتىلىكتى تانۋ ورتالىقتارى جۇزەگە اسىرادى»، - دەگەن ەدى ءماجىلىس دەپۋتاتى جۇلدىز سۇلەيمەنوۆا.
