تۇركىستان، قىزىلوردا جانە جامبىل وبلىستارىندا سۋ شارۋاشىلىعىنداعى جاعداي كۇردەلى - مينيستر

ونىڭ ايتۋىنشا، قىزىلوردا وبلىسىندا شىلدە ايىندا كۇرىش القاپتارىن سۋمەن قامتاماسىز ەتۋدە قيىندىقتار تۋىنداۋى مۇمكىن.

«2023 -جىلى كۇرىشتى 83,9 مىڭ گەكتارعا ەگۋ جوسپارلانىپ، ءىس جۇزىندە 88,107 مىڭ گەكتار ەگىلدى. بۇل 2022 -جىلمەن سالىستىرعاندا 9,8 مىڭ گەكتارعا ارتىق. ايتا كەتۋ كەرەك، مينيسترلىك وبلىستا كۇرىش القابىن قىسقارتۋ قاجەت ەكەنىن بىرنەشە رەت ەسكەرتكەن بولاتىن. سۋ تاپشىلىعىنا بايلانىستى باسسەيندىك ينسپەكتسيا تۇراقتى سۋارۋعا ارنالعان ءليميتتى قىسقارتتى»، - دەدى ز. سۇلەيمەنوۆا.

ونىڭ سوزىنە قاراعاندا، الماتى جانە جەتىسۋ وبلىسى بويىنشا سۋ شارۋاشىلىعىنداعى جاعداي تۇراقتى. وسى وبلىستارداعى بارلىق سۋ قويمالارى ۆەگەتاتسيالىق كەزەڭگە بەكىتىلگەن كەستەگە سايكەس جۇمىس ىستەپ جاتىر.

«جالپى تۇركىستان، قىزىلوردا جانە جامبىل وبلىستارىنداعى سۋ شارۋاشىلىعىنداعى جاعداي كۇردەلى بولىپ قالا بەرەدى. جاعداي تۇراقتى باقىلاۋدا جانە مينيسترلىك سۋ تاپشىلىعىنىڭ سالدارىن جەڭىلدەتۋ ءۇشىن بارلىق قاجەت شارالاردى قابىلدايدى»، - دەدى ۆەدومستۆو باسشىسى.

بۇدان بۇرىن حابارلانعانداي، تۇركىستان وبلىسىنىڭ اكىمدىگىنە سۋ كوپ جۇمسالاتىن داقىلداردى ازايتۋ ۇسىنىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى