مينيستر قاراشوكەيەۆ: كيىك سانىن قولدان رەتتەۋ قاجەت، بۇل تاجىريبە باياعىدان بار
«ەگەر جايىلىمعا زاقىم كەلسە، بۇل جەمشوپ سۋبسيدياسىن الۋعا نەگىز بولادى. ال ەگىسكە كەلسەك، مۇنداعى احۋال ءسال باسقاشا. قازىر ءبىز ارنايى ادىستەمە ازىرلەپ جاتىرمىز. ويتكەنى ەسەپتەۋ كەرەك قوي. اۋەلى ساقتاندىرۋ بويىنشا رەتتەگىمىز كەلگەن. ساقتاندىرۋ كومپانيالارىمەن بىرگە ەسەپتەپ كوردىك. ناقتى ءبىر اۋماق بويىنشا ساقتاندىرۋدىڭ تاۋەكەلى وتە جوعارى ەكەنىن تۇسىندىك. ياعني، ساقتاندىرۋ قۇنى وتە قىمبات بولادى. وسىعان بايلانىستى بۇل جول بيزنەسكە جارامسىز دەپ ويلادىق. ساقتاندىرۋعا وتە كوپ اقشا تولەۋ كەرەك بولادى»، - دەدى ەربول قاراشوكەيەۆ.
مينيستر كيىك سانىن قولدان رەتتەۋ تۋرالى دا پىكىر ءبىلدىردى.
«ەڭ ءتيىمدى جولى كيىك سانىن رەتتەۋ ەكەنىن ءتۇسىنۋ قاجەت. قازىرگى ىستەپ جاتقانىمىزدىڭ ءبارى - سالدارىمەن كۇرەسۋ عانا. ال كيىك سانىن رەتتەۋ اۋىل شارۋاشىلىعى مينيسترلىگىنىڭ قۇزىرىنا كىرمەيدى. كيىك سانى باياعىدان رەتتەلىپ كەلگەن»، - دەدى ول.
