ەربول قاراشوكەيەۆ ەكس- اكىم دانيال احمەتوۆتىڭ سۋبسيديا العان قىزىنا قاتىستى پىكىر ءبىلدىردى
بۇگىن ۇكىمەت وتىرىسىنان كەيىن تىلشىلەر مينيستردەن دانيال احمەتوۆتىڭ قىزى پاۆلودار وبلىسىندا سۋبسيديا العان جالعىز جەكە كاسىپكەرلىك ەكەنىن جانە وعان بۇل كومەك نە سەبەپتى بەرىلگەنىن سۇرادى.
ءوز كەزەگىندە ە. قاراشوكەيەۆ سۋبسيديا بەرۋ كەزىندە سالادا تۋىستىق قارىم- قاتىناس ەسكەرىلمەيتىنىن ايتتى.
«بىزدە مەملەكەتتىك اگرارلىق جۇيەدە 51 مىڭ نىسان تىركەلگەن. ولاردىڭ بارلىعى اۋىل شارۋاشىلىعى تاۋارلارىن ءوندىرىپ جاتىر. فەرمەرلەر وڭدەپ جۇرگەن جەرىن، مال باسىن كورسەتەدى. بۇل رەتتە ولاردان «اكەڭ نەمەسە اناڭ كىم، ءوزىڭ كىمسىڭ؟» دەپ ەشكىم سۇرامايدى. جۇيە وبەكتيۆتى تۇردە قاراپ، ءتيىستى نەگىز بولسا، قاراجات اۋدارادى. اقشا بولماسا، كەزەككە تۇرادى. وسىنىڭ ءبارى جۇيەگە ەنگىزىلدى. ءبىز قازىردىڭ وزىندە 120 ميلليارد سۋبسيديا بولدىك، ون مىڭداعان ادام سۋبسيديا الدى. سوندىقتان كوتەرىپ وتىرعان ماسەلە بويىنشا بىزگە رەسمي ساۋال جولداساڭىزدار، بۇل سۋبسيديا بويىنشا ناقتى جاۋاپ بەرەمىز»، - دەدى مينيستر.
ونىڭ ايتۋىنشا، سۋبسياديا بولگەن كەزدە ادامي فاكتور جويىلعان.
«مينيستر رەتىندە ءبىزدىڭ اۋىل شارۋاشىلىعى ونىمدەرىن وندىرۋشىلەردى ءبولىپ- جارمايمىن، ياعني ولاردىڭ تۋىستارىنىڭ بەدەلىنە نەمەسە داۋلەتىنە قارامايمىن. ەڭ باستىسى، بىزدە زاڭ مەن ەرەجە بار. ءبىز قۇقىقتىق مەملەكەتتە ءومىر ءسۇرىپ جاتىرمىز»، - دەدى ۆەدومستۆو باسشىسى.
