مينيستر قاراشوكەيەۆ: شەگىرتكەدەن مىڭداعان گەكتار زارداپ شەگىپ جاتقانى - جالعان
«كەشە الەۋمەتتىك جەلىلەردە شەگىرتكەگە قاتىستى ءبىر ۆيدەو تارادى. ول ۆيدەو جالگەلدين اۋدانىنداعى ءبىر سەرىكتەستىكتىڭ جەرىندە تۇسىرىلگەن. بۇل رەتتە مىڭداعان گەكتار ەگىس القابى زارداپ شەگىپ جاتىر دەگەن قاۋەسەت شىندىققا جاناسپايدى. ول جەردە ءبىزدىڭ ماماندار، مينيسترلىك باسشىلىعى بولدى. وسى ورايدا دەر كەزىندە ءتيىستى شارالار جاسالىپ، شەگىرتكەنى ۋلاۋ دارىلەرى جەتكىلىكتى كولەمدە جەتكىزىلدى. سوندىقتان جاعداي تۇراقتى، 500 گەكتار القاپ زارداپ شەكتى»، - دەدى ە. قاراشوكەيەۆ.
ونىڭ ايتۋىنشا، شەگىرتكەنىڭ تارالۋىمەن كۇرەس بويىنشا جۇمىستار بارلىق وبلىستا ىسكە اسىرىلىپ جاتىر.
«بۇل جۇمىستار جىل سايىن اتقارىلادى. جاعداي باقىلاۋىمىزدا. سوندىقتان شەگىرتكە جويىلىپ، تارالۋى توقتادى. شەگىرتكە پايدا بولسا، سول جەرگە مامانداردى جىبەرىپ، ءدارى سەبۋ ىسكە اسىرىلادى. سوندىقتان الەۋمەتتىك جەلىلەردە وتىرعان ادامدارعا ءبىر ءوتىنىشىم بار: تەكسەرىلمەگەن، جالعان اقپاراتتى جەلى ارقىلى تاراتپاڭىزدار دەپ ايتقىم كەلەدى. مالىمەتتى اۋىل شارۋاشىلىعى مينيسترلىگى دەر كەزىندە جاريالاپ وتىرادى»، - دەدى مينيستر.
بۇدان بۇرىن قوستاناي وبلىسىندا شارۋالار شەگىرتكەدەن وراسان زور زيان كورىپ وتىرعانى حابارلانعان ەدى.
اۆتور:
رۋسلان عابباسوۆ
