كيىك پوپۋلياتسياسىن رەتتەۋدىڭ عىلىمي نەگىزدەمەسى قاشان دايىن بولادى
«مامىر ايىنىڭ سوڭىندا بىزگە حالىقارالىق ساراپشىلار كەلدى. ولار بەتپاقدالا جانە ورال پوپۋلياتسياسىن تەكسەردى، ولاردىڭ جاعدايىن قارادى، ءتيىستى ۇسىنىمدارىن بەردى. سول رەكومەنداتسيالاردىڭ نەگىزىندە عىلىمي زەرتتەۋ ينستيتۋتتارى ءتيىستى عىلىمي نەگىزدەمە دايىنداپ جاتىر. وسى نەگىزدەمە اياسىندا بۇدان ءارى كيىك پولپۋلياتسياسىن تۇراقتى پايدالانۋ بويىنشا شەشىم قابىلدايمىز»، - دەدى مينيستر.
ونىڭ ايتۋىنا قاراعاندا، كيىك پوپۋلياتسياسىنان شىعىن كورگەن شارۋالارعا وتەماقى تولەۋ ماسەلەسى دە وسى نەگىزدەمە اياسىندا رەتتەلمەك.
«ءبىزدىڭ جوبالاۋىمىز بويىنشا شىلدەنىڭ سوڭى، تامىزدىڭ باسىندا عىلىمي نەگىزدەمەنى عىلىمي ينستيتۋتتار ەنگىزۋى كەرەك»، - دەدى ءزۇلفيا سۇلەيمەنوۆا.
ەسكە سالايىق، باتىس قازاقستان وبلىسىنىڭ وڭتۇستىك اۋداندارىندا شارۋالار كيىكتىڭ شەكتەن تىس كوبەيىپ كەتۋىنەن توتەنشە جاعداي ەنگىزۋدى سۇراپ وتىر.
