اتىراۋداعى توتەنشە جاعداي: بارلىق مۇناي وڭدەۋ زاۋىتتارى جۇمىسىن توقتاتا ما
«اقتاۋداعى ەنەرگيا كومبيناتىندا اپاتتى جاعدايدان اۆتوماتتى قورعاۋ جۇيەسى ىسكە قوسىلدى. قازىرگى تاڭدا ەنەرگيامەن قامتاماسىز ەتۋ قالپىنا كەلتىرىلىپ جاتىر. بۇل ايماقتاردىڭ ەنەرگيا جۇيەسى باتىس ەنەرگەتيكالىق تورابىمەن بىرىكتىرىلگەن.
اتىراۋ مۇناي وڭدەۋ زاۋىتتارىندا اقاۋلار انىقتالعان جوق. زاۋىتتىڭ جۇمىسىن قاۋىپسىز توقتاتۋ ءۇشىن دەر كەزىندە شارالار قابىلداندى»، - دەدى ول.
ءاليحان سمايىلوۆ قازىرگى تاڭدا زاۋىت باسقا كاسىپورىندار سياقتى ءوز جۇمىسىن قالپىنا كەلتىرىپ جاتقانىن اتاپ ءوتتى.
«ەشقانداي دا جانار- جاعارماي تاپشىلىعى بولمايتىنىن باسا اتاپ وتكىم كەلەدى. قولدا بار وتىن قورى بۇكىل رەسپۋبليكاعا جەتەدى. بارلىق مۇناي وڭدەۋ زاۋىتتارىن توقتاتۋ تۋرالى الىپقاشپا اڭگىمەلەر شىندىققا جاناسپايدى. جاعداي باقىلاۋدا»، - دەدى پرەمەر- مينيستر.
ەسكە سالايىق، كەشە كەشكە اتىراۋدا بىرنەشە شاعىناۋداندا جارىق ءسونىپ قالعان بولاتىن.
ارتىنشا جەرگىلىكتى ەنەرگەتيكالىق كەشەننىڭ باسپا ءسوز قىزمەتى ەلەكتر قۋاتىنىڭ ءوشۋ سەبەبىن ايتتى.
ساعات 21.30-دا اتىراۋ وبلىسى اكىمدىگى جارىقتىڭ جانعانىن حابارلادى.
پرەزيدەنت قاسىم- جومارت توقايەۆ اتىراۋ مۇناي وڭدەۋ زاۋىتى مەن ماڭعىستاۋ اتوم ەنەرگەتيكا كومبيناتىندا تۋىنداعان جاعداي بويىنشا مەملەكەتتىك كوميسسيا قۇرۋدى تاپسىردى.
اۆتور:
ەسىمجان ناقتىباي
