اباي وبلىسىنداعى ءورت: قامىستى شارپىعان جالىنمەن كۇرەس جالعاسۋدا
اباي وبلىسى اكىمدىگىنىڭ مالىمەتىنە سۇيەنسەك، قازىرگى ۋاقىتتا كوكپەكتى اۋدانىنداعى ءورتتى وشىرۋگە 20 ادام مەن 3 تەحنيكا جۇمىلدىرىلعان. ەرتىس وزەنىنىڭ جاعالاۋىنداعى كەڭقولتىق ۋچاسكەسىندە قامىس ورتەنىپ جاتىر.
«ءورت جايلى اقپارات جەدەل شتابقا كەشە ساعات 19:32-دە ءتۇستى. وقيعا ورنىنا جەرگىلىكتى اتقارۋشى ورگاندار مەن كوكپەكتى اۋداندىق ت ج ب قىزمەتكەرلەرى شۇعىل جەتتى. ءورت وشاعىنا ەڭ جاقىن ەلدى مەكەن 60 شاقىرىمداي جەردە ورنالاسقان. اۋىلعا جانە شارۋا قوجالىقتارىنا قاۋىپ ءتونىپ تۇرعان جوق. ءتىلسىز جاۋمەن كۇرەس جالعاسۋدا. ءورتتىڭ جالپى اۋدانى شامامەن 200 گەكتاردى قۇرايدى»، - دەلىنگەن اقپاراتتا.
