داۋلەت تۇرلىحانوۆتىڭ اسكەري بولىمنەن قاشىپ كەتكەن ۇلى ۇستالدى
«2023 -جىلعى 3-شىلدەدە ىشكى ىستەر ورگاندارىنىڭ قىزمەتكەرلەرى جانە اسكەري پوليتسيانىڭ اسكەري قىزمەتشىلەرىمەن ۇيىمداستىرىلعان بىرلەسكەن جەدەل-ىزدەستىرۋ ءىس-شارالارى بارىسىندا اسكەري ءبولىمدى ءوز ەركىمەن تاستاپ كەتكەن مەرزىمدى قىزمەتتەگى قاتارداعى جاۋىنگەر ب. -نىڭ ورنالاسقان جەرى انىقتالدى.
اسكەري قىزمەتشى قىزمەت اتقاراتىن ورنىنا جەتكىزىلدى. اتالعان فاكتى بويىنشا قىزمەتتىك تەكسەرىس جۇرگىزىلۋدە»، - دەلىنگەن قورعانىس مينيسترلىگىنىڭ مالىمەتىندە.
د. تۇرلىحانوۆتىڭ ۇلى ب. 2-شىلدە كۇنى مەرزىمدى اسكەري بورىشىن وتەپ جاتقان جەرى - قونايەۆ گارنيزونىنىڭ اسكەري بولىمدەرىنىڭ بىرىنەن قاشىپ كەتكەن بولاتىن.
«2023 -جىلعى 2-شىلدەدە قونايەۆ گارنيزونىنىڭ اسكەري بولىمدەرىنىڭ بىرىندە مەرزىمدى قىزمەتىن وتكەرىپ جاتقان قاتارداعى جاۋىنگەر ب. قاماۋعا الۋ مەرزىمى اياقتالعاننان كەيىن (بۇيرىققا باعىنباۋ نەمەسە ونى وزگەدەي ورىنداماعانى ءۇشىن گاۋپتۆاحتادا ۇستاۋ تۇرىندە اكىمشىلىك جاۋاپكەرشىلىككە تارتىلدى) اسكەري قىزمەتشىنىڭ سۇيەمەلدەۋىمەن اسكەري ءبولىمنىڭ ورنالاسقان جەرىنە قايتىپ بارا جاتقان كەزىندە بەلگىسىز باعىتتا قاشىپ كەتكەن»، - دەگەن ەدى قورعانىس مينيسترلىگىنىڭ باسپا ءسوز قىزمەتىنەن.
بيىلعى اقپاندا ب. الماتى قالاسىندا زاڭگەر اننا دميتريەۆيچ پەن ونىڭ كۇيەۋى ولەگ چەرنوۆتى سوققىعا جىقتى دەپ كۇدىكتەلۋدە.
الماتى قالالىق پوليتسيا دەپارتامەنتى اتالعان دەرەكتى ق ر قىلمىستىق كودەكسىنىڭ 293-بابى («بۇزاقىلىق») بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەدى.
كەيىن سپورت قايراتكەرى داۋلەت تۇرلىحانوۆ بالاسىنىڭ بۇزاقىلىق ارەكەتىنە بايلانىستى پىكىر ءبىلدىردى.
ودان بولەك، داۋلەت تۇرلىحانوۆ ۇلىنىڭ ىسىنە ارالاسىپ جاتپاعاندىعىن ايتتى.
سونداي-اق قورعانىس مينيسترلىگى ب. -نىڭ ءوز اسكەري بورىشىن وتەۋدى ودان ارى جالعاستىرۋىنا قاتىستى پىكىر بىلدىرگەن ەدى.
