ءو ك م وپەراتورى باسشىلارى مەن بۇرىنعى ەكولوگيا ۆيتسە- ءمينيسترى سوتتالدى
سوت ءو ك م- ءنىڭ ءۇش باسشىسى 2016 -جىلدان باستاپ، كەزەكپەن سول كەزدەگى ەكولوگيا ۆيتسە- ءمينيسترىنىڭ قولداۋىمەن (ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى) بىرنەشە رەت اسا ءىرى مولشەردە بيۋدجەت قاراجاتىن ۇرلاعانىن انىقتادى.
جىمقىرۋ قولدانىستان شىققان كولىك قۇرالدارىن كادەگە جاراتۋ جونىندەگى ۇلەستەس كومپانيانىڭ قىزمەتتەرىنە نەگىزسىز قىمبات اقى تولەۋ جولىمەن جاسالعان. وسىلايشا، جالپى سوماسى 26,8 ميلليارد تەڭگە زالال كەلگەن.
سونىمەن قاتار، ەكولوگيا ۆيتسە- ءمينيسترى ءوز وكىلەتتىكتەرىن اسىرا پايدالانىپ، كابەل- وتكىزگىش ونىمدەرىن وندىرۋشىلەر مەن يمپورتتاۋشىلاردىڭ كەڭەيتىلگەن مىندەتتەمەلەرىن ەنگىزگەن زاڭسىز بۇيرىققا قول قويعان. سونىڭ سالدارىنان 325 ميلليون تەڭگەدەن استام زالال كەلگەن.
«وسى كەزەڭدە «ءو ك م وپەراتورى» ج ش س باسشىلارى بۇرىنعى ۆيتسە- ءمينيستردىڭ كومەگىمەن ج ش س شوتىنداعى 180 ميلليارد تەڭگەنى جىمقىرماق بولعان. سوتتالعاندار قازاقستان اۋماعىنداعى ۇلەستەس كومپانيا 6 قوقىس ورتەيتىن زاۋىت سالۋ كەزىندە ۇرلىق جاساۋدى جوسپارلاعان. ولار بۇل قۇرىلىستى قارجىلاندىرۋدى 2022 -جىلعا ارنالعان ينۆەستيتسيالىق ساياساتتى ىسكە اسىرۋ جونىندەگى ءىس- شارالارعا نەگىزسىز ەنگىزگەن»، - دەپ جازدى باسپا ءسوز قىزمەتى.
سونداي- اق، ج ش س باسشىسى ك. جانە قۇرىلتايشىسى م. (ىزدەۋدە) كوممەرتسيالىق ۇيىمداعى باسقارۋ فۋنكسيالارىن پايدالانىپ، وكىلەتتىكتەرىن اسىرا پايدالانىپ، ديۆيدەندتەر الۋ جولىمەن بيۋدجەتتىڭ 920 ميلليون تەڭگەسىن ۇرلاعان.
جابىرلەنۋشىلەردىڭ، كۋاگەرلەردىڭ ايعاقتارى، سوت ساراپتامالارى، مامانداردىڭ قورىتىندىلارى جانە كەلتىرىلگەن زالال مولشەرى 28,2 ميلليارد تەڭگەگە بەلگىلەنگەن اۋديتورلىق ەسەپتەر سوتتالعانداردىڭ كىنالى ەكەنىن دالەلدەدى.
سوت ۇكىمىمەن 2016-2019 -جىلدارى ج ش س ديرەكتورى بولعان ك. قىلمىستىق كودەكستىڭ 189-بابى 4- ءبولىمىنىڭ 2-تارماعى بويىنشا، 250-بابىنىڭ 1 ءبولىمى، 24-بابىنىڭ 3- ءبولىمى، 28-بابىنىڭ 3-بولىمىندە كوزدەلگەن قىلمىستىق قۇقىقبۇزۋشىلىقتار جاساعانى ءۇشىن كىنالى دەپ تانىلىپ، 7 جىلعا باس بوستاندىعىنان ايىرىلدى جانە كوممەرتسيالىق ۇيىمداردا 10 جىل مەرزىمگە باسشىلىق لاۋازىمداردى اتقارۋ قۇقىعىنان ايىرىلدى.
ج ش س 2019-2022 -جىلدارى ديرەكتور بولعان ق. قىلمىستىق كودەكستىڭ 189-بابى 4- ءبولىمىنىڭ 2-تارماعى جانە 24-بابىنىڭ 3- ءبولىمى بويىنشا 7 جىلعا باس بوستاندىعىنان ايىرىلدى جانە كوممەرتسيالىق ۇيىمداردا 10 جىل مەرزىمگە باسشىلىق لاۋازىمداردى اتقارۋ قۇقىعىنان ايىرىلدى.
قارجى ديرەكتورى بولعان ت. قىلمىستىق كودەكستىڭ 250-بابى 1-بولىگى بويىنشا كىنالى دەپ تانىلىپ، 2 جىلعا باس بوستاندىعىنان ايىرىلدى. «قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» 2021 -جىلعى 7 -جەلتوقسانداعى ق ر زاڭىنىڭ 3-بابىنىڭ 1) تارماقشاسى نەگىزىندە ونىڭ جازاسى جارتىلاي قىسقارتىلدى جانە كوممەرتسيالىق ۇيىمداردا 5 جىل مەرزىمگە باسشى لاۋازىمداردى اتقارۋ قۇقىعىنان ايىرۋ جانە 1 جىلعا باس بوستاندىعىنان ايىرۋ جازاسى بەرىلدى.
سوتتالعانداردى مەملەكەتتىك ناگرادالاردان ايىرۋ تۋرالى ۇسىنىس ق ر پرەزيدەنتىنە ەنگىزىلەتىن بولادى.
ازاماتتىق تالاپ «ج» ا ق پايداسىنا 28,2 ميلليارد تەڭگە سوماسىنا قاناعاتتاندىرىلدى.
سونداي- اق، سوتتالعانداردىڭ قىلمىستىق جولمەن الىنعان جىلجىمالى جانە جىلجىمايتىن مۇلكى مەملەكەت كىرىسىنە تاركىلەندى.
ۇكىم ءالى زاڭدى كۇشىنە ەنگەن جوق.
ايتا كەتەيىك، 2022 -جىلعى 11-قاڭتاردا پارلامەنت ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم- جومارت توقايەۆ «ءو ك م وپەراتورى» ج ش س- ءنىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋىن توقتاتۋ تۋرالى تاپسىرما بەردى.
2022 -جىلى 26- قاڭتاردا ەكولوگيا جانە تابيعي رەسۋرستار ۆيتسە- ءمينيسترى احمەتجان ءپىرىمقۇلوۆ پەن «ءو ك م وپەراتورى» ج ش س باسقارما ءتوراعاسى مەدەت قۇمارعاليەۆ ۇستالدى.
سول كۇنى «ءو ك م وپەراتور» ج ش س- ءنىڭ باسقارۋشى ديرەكتورى رۋسلان شامشيەۆتىڭ دەنەسى تابىلىپ، ەلوردانىڭ ەسىل اۋداندىق پوليتسيا ءبولىمى ق ر قىلمىستىق كودەكسىنىڭ 105-بابىمەن ء(وزىن- ءوزى ولتىرۋگە دەيىن جەتكىزۋ) قىلمىستىق ءىس قوزعادى.
سىبايلاس جەمقورلىققا قارسى ءىس- قيمىل اگەنتتىگىنىڭ مالىمەتىنشە، «ءو ك م وپەراتورى» باسشىلىعى شەنەۋنىكتەرمەن بىرلەسىپ، 180 ميلليارد تەڭگە جىمقىرماق بولعان.
