استانا اكىمدىگى قالامگەرلەردى ماراپاتتادى - فوتو
قالامگەرلەر اللەياسىندا ەلوردا اكىمدىگى مەن «قازاقستان جازۋشىلار وداعى» قوعامدىق بىرلەستىگى استانا قالالىق فيليالىنىڭ قولداۋىمەن «استانا - شابىت ارقاۋى» اتتى مادەني ءىس-شارا ءوتتى.
ونىڭ بارىسىندا تولەن ابدىك، قويشىعارا سالعارا ۇلى، عاريفوللا ەسىم، الىبەك اسقار، سەرىك تۇرعىنبەك ۇلى، الدان سمايىل، التىنشاش جاعانوۆا، ءشاربانۋ بەيسەنوۆا، تۇرسىن جۇرتباي جانە تاعى باسقا قالامگەرلەرگە ەلوردا اكىمىنىڭ سىياقىسى تابىستالدى.
ەلوردادا رۋحانياتتىڭ قازىناسى قالامگەرلەردىڭ اعا بۋىنى قالىپتاسقان. بۇگىندە استانادا قازاقستان جازۋشىلار وداعىنىڭ 160 تان استام مۇشەسى تۇرادى. وسىدان ەكى جىل بۇرىن ەلوردالىق جاس اقىن-جازۋشىلاردىڭ 30 دان استام كىتابى جارىققا شىققان بولاتىن. ول ءداستۇر ءالى دە جالعاسىن تابا بەرەدى. كۇنى كەشە اراعا 11 جىل سالىپ اقىن-جازۋشىلاردىڭ ءمۇشايراسى ءوتتى. وسىنداي ءداستۇرلى ءىس-شارالاردا قالامگەرلەر تەك ەلوردانىڭ عانا ەمەس، ەلىمىزدىڭ رۋحانياتىنا، مادەنيەتىنە ءوز ۇلەسىن قوسىپ كەلە جاتىر. بۇگىن وزدەرىڭىزگە ريزاشىلىعىمىزدى، سىي-قۇرمەتىمىزدى كورسەتەيىك دەپ وتىرمىز. ەلوردا كۇنى قۇتتى بولسىن! - دەدى استانا قالاسى اكىمىنىڭ ورىنباسارى ەسەت بايكەن.
سونداي-اق ءىس-شارادا اقىندار مەن جازۋشىلار قولتاڭبا سەسسياسىن، كىتاپتار تۇساۋكەسەرىن وتكىزدى.
بيىل - بايراق كوتەرگەن استانامىزدىڭ 25 جىلدىعى. ەركە ەسىلدىڭ جاعاسىندا ەلوردا كوركەيىپ، قانات جايىپ، جالپى قازاقتىڭ قۋانىشىنا اينالدى. اقىن-جازۋشىلار مەملەكەتىمىزدىڭ ماڭىزدى دۇنيەلەرىندە بەي-جاي قاراپ قالمايدى. قالامگەرلەر بيلىك پەن حالىق اراسىندا التىن كوپىر دانەكەرى بولىپ ءجۇر. استانا قالاسى اكىمدىگىنىڭ قولداۋىمەن بۇگىن- ەرتەڭ اقىن-جازۋشىلاردى مەرەكە قارساڭىندا قۇرمەتتەپ، قادىرلەۋ ماقساتىندا 80 قالامگەرگە سىياقى تابىستالادى، - دەدى اقىن، «قازاقستان جازۋشىلار وداعى» قوعامدىق بىرلەستىگى استانا قالالىق فيليالىنىڭ ديرەكتورى داۋلەتكەرەي كاپ ۇلى.
ايتا كەتەيىك، استانا قالاسى اكىمدىگىنىڭ «ورتالىقتاندىرىلعان كىتاپحانا جۇيەسى» ك م م «استانا - بەيبىتشىلىك جانە جاسامپازدىق مەكەنى» اتتى كىتاپ كورمەسىن ۇسىندى.
