شەرۋشىلەر فرانسيادا مەردىڭ ءۇيىن قيراتتى

«الدىڭعى ءۇش تۇندەگىدەي تۇنگى ساعات 1:30 دا قالالىق مەريادا بولعانىمدا، مەنىڭ ءۇيىمدى كولىكپەن سوعىپ، سودان كەيىن ونى ورتەۋ ارەكەتى جاسالدى. وسى كەزدە ۇيدە جۇبايىم مەن ەكى كىشكەنتاي بالام بولدى، ولار ۇيىقتاپ جاتقان. جۇبايىم مەن بالالارىمنىڭ ءبىرى شابۋىلداۋشىلاردان قورعانۋعا تىرىسقاندا جاراقات الدى»، - دەلىنگەن مەر مالىمدەمەسىندە.

ۆ. جانبرۋن پوليتسياعا جانە قۇتقارۋ قىزمەتتەرىنە كومەكتەسكەنى ءۇشىن العىس ايتتى.

ەسكە سالايىق، فرانسيادا الجير تۋماسى 17 جاستاعى ناحەل مەرزۋكتى پوليتسيا ولتىرگەننەن كەيىن نارازىلىق تولقىنى باسىلماي تۇر. اپتا باسىندا ن. مەرزۋكتى نانتەرا قالاسىندا پوليتسيا قىزمەتكەرى اتىپ ءولتىردى. ول سەنبى كۇنى نانتەرا مەشىتىندە جەرلەندى.

جاس جىگىتتىڭ ءولىمى فرانتسيانىڭ مارگينالدى قاۋىمداستىقتارىنداعى پوليتسيا جۇمىسى تۋرالى پىكىرتالاستى قايتا جانداندىرىپ، ناسىلدىك قاتىناس كىسى ءولتىرۋ فاكتورىنا اينالدى ما دەگەن سۇراقتار تۋعىزدى.

جۇما، 30-ماۋسىمدا جاس جىگىتتىڭ اناسى مۋنيا «France 5» تەلەارناسىنا بەرگەن سۇحباتىندا ۇلىنىڭ ولىمىنە ونى اتىپ ولتىرگەن وفيتسەردى عانا كىنالايتىنىن ايتتى. الايدا، بۇل ءولىم بۇكىل ەلدە اۋقىمدى تارتىپسىزدىكتەر تۋدىردى.

ەلدىڭ ىشكى ىستەر مينيسترلىگىنىڭ الدىن الا ەسەپتەۋى بويىنشا، فرانتسيادا 700 دەن استام ادام ۇستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى